Page 39 - MIN.TTC JAN 27,2015

Historia ta algo cu tin e espacio pa tur esnan cu a forma parti di loke mester bira e base di e
reconocimento di e trabaonan cu a worde haci y tin espacio pa tur cu a traha pa yega na e punto
unda nos ta awe, Minister Oduber a bisa.

Ta hopi importante pa tur cu tey awe traha y conserva loke ta e identidad di nos cultura, cu ta e
orguyo di ta un Arubiano.

Danki na e lucha cu a worde hiba y pa e libertad di e isla aki awe nos por bisa cu nos ta biba riba
un pais cu yama Aruba. Un pais chikito den su tamaño pero grandi pa e cosnan cu ta worde haci
pa e bienestar di comunidad di Aruba.

Ta hopi importante pa cada un ciudadano yuda pa conserva e pais aki y pa percura cu e mesun
idealismo cu a worde carga tempo di e lucha pa e Status Aparte worde conserva pa futuro
generacionnan.

Ban pone nos dilanti cu nos tur ta uni bou di e bandera, e himno y e escudo ey pa bisa cu nos ta
hala tur diferenca un banda y nos ta percura pa por carga e nacion aki manera el a worde bisa pa
Sr. Betico Croes “Si mi mester cay na caminda, carga e bandera y sigui cu e lucha” y ban haci
esaki pa e comunidad Arubiano, Minister Oduber ta bisa.

Despues di e acto ceremonial a continua cu un manifestacion cultural cu cu a conta cu
presentacionnan musical y folklore, unda un masa grandi a demostra nan sosten na Aruba su
cultura.

http://www.diario.aw/2015/01/un-pais-chikito-den-su-tamano-pero-grandi-pa-e-cosnan-cu-ta-worde-
haci-pa-e-bienestar-di-comunidad/