Page 17 - AM240705

Diabierna, 5 Juli 2024 AWEMainta DEPORTE 17

Perdicion Euro Cup QF 5 juli

TUR cos ta cla. Awe diabierna e prome 2 wega nan di kwart

final di Euro Cup ta inicia. Expertonan a analisa e siguiente 4
ekipo nan: Spaña, Alemania, Francia y Portugal.

Jamal Musiala, Kylian Mbappe, Dani Carvajal y Bruno

Fernandes ta algun di e hungadonan mas popular cu lo ta
den accion e prome dia di e ultimo 8 nan. E prome wega,
Spaña contra di Alemania, pa 12or di merdia. Un wega cu
taya di un final.

Ta predica cu esnan cu lo subi veld
pa Spaña ta: Unai Simón; Carvajal, Le Normand, Laporte,
Cucurella; Pedri, Rodri, Fabián Ruiz; Yamal, Morata y Williams.

Pa Alemania: Neuer; Kimmich, Rüdiger, Tah, Raum; Andrich,
Kroos; Musiala, Gündoğan, Wirtz y Havertz.

Spaña tin 4 wega hunga, tur 4 gana te ainda. Alemania

tambe tin 4 wega hunga, di cual e la gana 3 y tabla 1, contra
di Suisa. Den e ultimo 6 partidonan cu nan a enfrenta otro,
Spaña a gana 5 y a tabla e ultimo 1-1 den e Copa Mundial
na 2022. Asina mes, e expertonan ta duna Alemania pa gana

contra di Spaña, mas aun, pa gana e Copa di Europa 2024

E di dos wega, cual ta programa pa 3or di atardi, ta entre
Francia y Portugal. Mester remarca cu e banda di e bracket
aki ta uno basta pisa. Boso mes por tuma nota e 4 paisnan
cu nos a caba di menciona.

Pa Portugal ta premira cu lo subi: Diogo Costa; João Cancelo,
Rúben Dias, Pepe, Nuno Mendes; Palhinha, Vitinha, Bruno
Fernandes; Rafael Leão, Ronaldo yBernardo Silva.

Mientras pa Francia: Maignan; Koundé, Saliba, Upamecano,
Hernández; Kanté, Tchouaméni, Griezmann; Dembélé, Thuram
y Mbappé.

Niun di e 2 paisnan aki ainda a demostra e nivel cu nos ta
custumbra di nan. Mientras tur hende lo sinta warda wak kico
Ronaldo y Mbappe lo haci, e defensa t’esun cu lo bay haci
e diferencia den e wega aki. Diogo Costa no ta haci wega

para den gol. Di otro banda, Francia tampoco a laga niun gol
drenta den e ultimo 4 weganan.