Page 32 - AM240705

32 COMUNIDAD AWEMainta Diabierna, 5 Juli 2024

Hopi informacion di historia di Oranjestad

TUR aña biblioteca ta organisa su proyecto ‘Conta
cuenta na Cas di nos Grandinan. Pa 3 luna ta bishita
na total 12 biaha e diferente casnan di nos grand-
inan, hunto cu 3 escritor of contado di storia local

pa deleita e publico presente cu storia bunita y
unico.

Un team hopi entusiasma bou coordinacion di

bibliotecaria Yosmar Maduro-Sneek a bishita dife-
rente cas di nos Grandinan riba nos isla di april
pa juni 2024. Biblioteca a presenta 3 persona bon
conoci pa conta storia. Nan ta sra. Betty Goeloe

(ex-bibliotecaria), sr. Gerry Franca (autor) y sr.
Clifford Rosa (coordinador Fundacion Rancho
Aruba). Presentacion musical tabata den man di
Sonrisa Tropical, Hélène Arends y Grupo Zjilea.

Sr. Gerry Franca a presenta e di dos parti di e proyecto
‘Conta cuenta na Casnan di nos Grandinan’. Sr.
Franca, autor di buki pa mucha, a bishita 4 Cas di

Anciano na mei pa conta storia tocante historia di
Oranjestad. Sra. Betty Goeloe a traha na Biblioteca
Nacional Aruba pa hopi aña, e.o. den Dept Catalogus
y Arubiana. Den cuadro di ‘75 aña Trabou di biblio-

teca na Aruba’, sra. Betty Goeloe a wordo invita pa
conta historia di biblioteca na Aruba.

Na juni sr. Clifford Rosa a conta algo di historia di

Oranjestad. Clifford Rosa, president di Stichting
Rancho, tin un trayectoria di mas cu 25 aña trah-
ando como boluntario riba tur tereno, pa asina
proteha, cultiva y desaroya e cultura y historia di

e bario Rancho. Cual bario ta e principio di Playa,
Oranjestad, cu e aña aki ta celebrando su 200 aña
di existencia.
Clifford Rosa a ricibi e condecoracion di Orde van

Oranje Nassau pa su trabou boluntario cu e ta haci-
endo. Stichting Rancho a inicia y ta desaroya dife-
rente plataforma. Entre otro e ultimo Plataforma
Nacional di Herencia di Sclavitud.

Durante e tres lunanan Conta Cuenta a ofrece infor-
macion di historia, 75 aña trabou di biblioteca y
200 aña Oranjestad. Esaki ta e prome parti y e di

dos parti a consisti di musica. Sonrisa Tropical bou
guia di sr. Jose (Doedel) Sophia, Duo ‘Yega Buta’
bou guia di Helene Arends hunto cu Roberto Wernet
y cera na Juni cu Grupo Zjilea bou guia di Chencho

Kelly. Gruponan musical a presenta canticanan di
antaño, cu sigur a cay na agrado di nos Grandinan.