Page 11 - HOH1

24 COMUNIDAD AWEMainta Diamars, 1 April 2025

Presidente di Fundacion Autismo Aruba selecciona

pa Entrenamento Internacional di Erasmus+

FUNDACION Autismo Aruba ta hopi orguyoso pa bisa
cu su presidente, Carolina Thiel-Span, a wordo selecciona

como un di e 22 participante di 22 pais pa tuma parti den
e entrenamento internacional di Erasmus+ titula “Building
Bridges of Inclusion & Accessibility”, cu lo tuma luga di 31
di maart te 5 di april 2025 na Atena, Grecia.

E entrenamento ta financia completamente pa e Erasmus+/
Youth Programme di Union Europeo y ta reuni profesion-
alnan comprometi cu inclusion, accesibilidad y ekidad social.

E programa lo trata tema importante manera intersection-
alidad, identidad, empatia, y e manera con nos por traha y
relaciona cu hende, pa crea espacio mas inclusivo, sigur y
solidario den nos comunidad y profesion.

Den su aplicacion, Thiel-Span a bisa:
“Aruba ta un mosaico cultural, y e entrenamento aki lo duna
nos un bista practico riba manera pa crea un ambiente mas

inclusivo pa hende cu autismo y otro trastornonan di desa-
royo.”
E a agrega: “E experiencia aki lo yuda nos hiba bek perspec-
tivanan nobo y herment util pa Aruba, pa yuda educador-,

trahado- social y profesionalnan cu ta traha den comuni-

dadnan diverso. E entrenamento aki ta relaciona directa-
mente cu nos mision pa promove ekidad y inclusion den tur
nivel di sociedad.”

Participantenan a wordo selecciona riba base di nan moti-
vacion y compromiso pa promove inclusion y accesibilidad
den nan comunidad. E entrenamento lo enfatisa strate-
gianan practico pa sostene ekidad, comprension y inclusion

cu significancia pa tur hende.

Fundacion Autismo Aruba ta sigui cu su esfuersonan pa
boga pa un sociedad caminda diversidad ta balora, y tur

hende – sin importa nan habilidad of background – por haya
oportunidad igual, e sosten necesario y respet.

Pa mas informacion tocante e trabounan di Fundacion

Autismo Aruba, sigui nos riba Facebook & Instagram of
manda nos un e-mail na info@autismoaruba.org