Page 2 - HOH1

PAGINA 6 DIARIO DIAMARS 1 APRIL 2025
Ninette Croes a bira empleado

superior di Aruba Bank

ORANJESTAD (AAN): A drenta confirmacion, cu Ninette
Croes ta empleado superior di Aruba Bank pa luna di februari
2025. Un empleado cu a demostra dedicacion y iniciativa
sobresaliente, logrando asina e reconocimento aki.
E compromiso di Ninette ta pa semper brinda un experiencia
superior na e clientenan di Aruba Bank cu ta refleha e
balornan di e banco. Su accionnan ta impacta e clientenan
positivamente y ta pone un standard halto pa e excelencia di
servicio na cliente. Ninette tin un gran pasion pa “crafting”,
unda e ta expresa su creatividad y amor mientras e ta crea
arte nan unico y inspirador. Pabien Ninette pa ta un empleado
ehemplar cu ta forma parti di Aruba Bank.

Fiesta Rotaria 2025 a pone hendenan
pasa bon for di mainta te atardi

ORANJESTAD (AAN): Riba Diadomingo for di trempan caba
tabatin hende para rond di Stadion Guillermo P. Trinidad na
Dakota, wardando pa e apertura di Fiesta Rotaria. Esaki ta e
evento principal di Rotary Club of Aruba pa recauda fondo.
Ora e actividad a start, containernan yen a wordo habri y
a atende publico. Hopi a yega mainta pa desayuna cu coffie,
pastechi, croket, y pasa mira rond kico tin.
Merdia tabatin e Food Court pa asina pueblo por come alm-
uerzo y cuminda manera e.o. Chicken Sate of Barbecue Ribs.
Tambe tin seccion pa muchanan cu Popcorn, Hotdog, Pastechi,
y mas.
Cu sonido di Megateca genie, tabatin entretenimento den
forma di presentacion di Club di Movimento, Kibrahacha, y
tambe Pierewietje. Durante dia tabatin diferente DJ di Mega-
teca Genie pa pone ambiente, y atardi Rincon Boyzz a duna
presentacion.
Aki DIARIO ta presenta resultado di e Rifa grandi di e dia aki,
di cual prome premio ta un Compact SUV tipo KIA Seltos 2025
completamente nobo cu a bay pa ticket #03701.