Page 44 - MIN VOS 8 DEC 2015

Ley cu ta regala Cuido di Grandinan a keda aproba pa
Parlamento

Publication: Tuesday, 8 December 2015. Categoria: General

Contra pensamento di fraccion di MEP

ORANJESTAD (AAN) – Parlamento den un reunion publico dialuna a trata e concepto di ley pa
loke ta e reglanan pa ricibi, guia, trata, cuida personanan cu tin mester di e ayudo aki, esta
Casnan di Cuido.

Durante e reunion aki a hiba palabra Minister di Salubridad Publico, esta dr. Alex Schwengle,
kende den su introduccion a contesta e preocupacion di lider di MEP, Evelyne Wever Croes.

E mandatario a señala cu tin problema den ramo di cuido no ta algo nobo. E diferente rapportnan
cu a worde traha ta mustra riba e diferente puntonan cu mester worde drecha. El a bisa cu ta
lastima cu despues cu Inspectie haci control despues di cinco aña, por a constata cu masha poco a
worde haci.

El a splica cu 2009 tabatin asina hopi preocupacion pa cuido di bieunan, y a casnan di cuido
priva cu a cuminsa lanta como negoshi, tambe pasobra e cuidonan aki no tabata regula di ningun
forma, ni esun cu ta worde subsidia door di Gobierno. Por ehempel SABA den su Statuut nobo a
exclui Gobierno completo di su maneho, siendo cu nan ta depende completamente di e placa di
Gobierno.

Un analisis haci di e cuido di grandinan despues di 2009 a causa hopi mas preocupacion, ya cu a
sinti cu el a bira un free for all, sin ningun regla. Hopi hende y Gobierno tampoco tabata contento
cu e servicio brinda y calidad. A base di esey a forma un comision cu a haya e tarea pa analisa e
situacion y bini cu proposicion con pa regula y controla e mercado cu ta atende cu cuido di
grandinan. Den e comision aki a pone representacion di tur stakeholdernan di e ramo aki. E
mandatario a bisa e motibo pakico SABA no ta inclui pasobra ta traha un kaderwet cu mester
regla cuido di grandinan, y nan no por a worde poni si nan ta un partido. Apesar di esaki, SABA
na december 2014 e concepto di ley tabata poni riba nan website. Pues nan tabata na altura di tur
loke tabata e intencion y ningun a acerca e comision pa expresa nan preocupacion.

E lider di MEP a pidi pa pospone tratamento di e ley, pasobra e ta bisa cu e ta un ley cu no a
worde papia cu tur esnan envolvi. El a proponi scucha esnan cu ta bay traha cu e ley, sinembargo