Page 46 - MIN VOS 8 DEC 2015
P. 46
Update di caso di Dengue y Chikungunya na Aruba
Publication: Tuesday, 8 December 2015. Categoria: General
Departamento di Salud:
ORANJESTAD (AAN): Eugene Maduro di Departamento di Salud Publico, seccion
Epidemiologia y Investigacion a duna e ultimo cifranan di e periodo actual pa cu e dos virusnan
cu ta presente na Aruba, esta Dengue y Chikungunya. Ambos virus ta worde transmiti pa e
sangura Aedes aegypti (sangura pata preto cu blanco) presente na Aruba.
Aña 2014 y 2015 ta casi igual pa loke ta trata casonan di Dengue y Chikungunya, cu a worde
raporta pa dokternan di cas of un di e laboratorionan. Den e aña aki a registra 1600 caso
sospecho di Dengue y Chikungunya. Di e 1600 casonan 13% (aproximadamente 200 persona) a
sali positivo pa e virus di Dengue y 29 % (aproximadamente 500 persona) a Sali positivo pa e
virus di Chikungunya. E ultimo virus aki a lanta cabes na Aruba fin di 2014.
Sintoma manera keintura halto compaña cu e.o. dolor di cabes, dolor di curpa of joints, dolor di
wowo y rash por ta indicacion cu un persona por ta infecta cu e virus di Dengue of Chikungunya.
So ta sinti bo malo cu e sintomanan aki, ta sugeri pa bo bishita bo dokter di cas. Bo dokter di cas
lo dicidi si e ta manda bo bay haci test di laboratorio si e ta sospecha cu bo por ta infecta cu un di
e virusnan aki.
E barionan unda cu a registra mas caso di notificacion (no di confirmacion) ta San Nicolas,
Savaneta, Pos Chikito, Noord, Oranjestad Oost y Oranjestad West. Ta pensa cu e cantidad halto
den e areanan mas pobla, ta pa motibo cu hopi hende ta biba cerca di otro, e ruta pa transmision
di e virus entre un persona infecta pa un otro persona via e sangura ta mas cortico. Den e casonan
notifica tabatin mas hende muhe cu hende homber cu a worde sospecha cu e virus di Dengue of
Chikungunya. E grupo di edad mas afecta, tabata e grupo di adulto di edad productivo, esta entre
25 y 64 aña di edad.
Concluyendo tur hende mester keda alerta pa cu criadero di sangura sea na cas, vecindario of na
pia di trabao. Sin sangura no tin Dengue ni Chikungunya.
http://www.diario.aw/2015/12/update-di-caso-di-dengue-y-chikungunya-na-aruba/
