Page 9 - MIN VOS 8 DEC 2015

Schwengle a subraya. Mirando con importante e ley aki ta, e minister ta lamenta cu oposicion no ta trat’e
cu seriedad y el a keda babuca di wak con tiki atencion nan a duna na nan “huiswerk”. Esaki a refleha
sigur durante di e tratamento di e ley cu nan tabatin por cierto disponibel pa varios siman caba y pues no
ta “algo nobo”, como cu e mandatario a percura pa tur cos bay na ordo y pa nan tin’e na tempo.

Un ley asina importante, cu ta beneficia nos hendenan grandi – y tur persona cu ta “mas hoben”
actualmente pero den futuro sigur tambe lo ricibi proteccion pa medio di e ley aki, no ta algo pa hunga
politica cun’e. E mandatario no ta compronde con oposicion por bisa cu un persona riba Raad van
Toezicht di SABA por bisa cu e no sa di e ley tanten cu SABA mes a publica e ley riba nan website. Minister
Schwengle a bisa enfaticamente cu ta duel e cu oposicion no ta tuma nan mesun lema na serio y aplik’e aki
tambe. Despues di e experiencia aki por conclui cu pueblo sigur merece un miho oposicion cu di berdad ta
carga bienestar general na pecho.

E proceso cu e ley a cana ta uno bastante largo, cuminsando ya na 2010 cu diferente sondeo, investigacion
y evaluacion. Na juni 2015 a ley a bolbe for di Raad van Advies y na cuminsamento di october cambionan
a wordo haci cu adicion di un rapport, e ley a bay gobernador y algun siman pasa a keda entrega na
Parlamento. Manera aña habri, e minister ta splica, cu e trabao intensivo ta cuminsa di parti di tur partido
envolvi pa logra pone e contenido hunto y realisa e implementacion di e ley mas pronto posibel.

Minister Schwengle a subraya cu e ta hiba un maneho transparente y a informa e comision di parlamento
encarga cu salubridad tambe di e ley aki, pues e no ta bin di sorpresa. Minister Schwengle a splica tambe,
despues di e reunion den parlamento, cu naturalmente a papia tambe di gastonan envolvi, pero mester ta
honesto cu pa hopi aña no tabatin inversionnan den nos grandinan y pa colmo no tin bista riba e gastonan
real. El a añadi cu e Minister di Finansa ta trahando riba un “subsidieregeling” nobo pa sigura cu e
fundacionnan responsabilisa nan mes pa e placa di pueblo cu nan ta ricibi. El a bisa cu nan mester
responsabilisa nan mes pa nan obhetivo nan y mester cumpli cu e rekisitonan cu ta estableci.

Na momento cu un fundacion no cumpli lo pone e miembronan di e “Raad van toezicht” personalmente
responsabel. Den e caso cu nan kier pa gobierno ta responsabel tambe, e fundacion mester habri su
statuut pa inclui un miembro di parti di Gobierno, pasobra mescos cu no por pone poder absoluto den
mando di Gobierno no por pone poder absoluto den man di e fundacion pa uza placa di pueblo sin ta
responsabel pa e inversionnan cu ta wordo haci, el a remarca. Minister Schwengle a conclui cu e tin tur
confiansa cu e maneho nobo di “subsidieregeling” lo trece hopi mehoracion den e area aki tambe.

http://www.24ora.com/politica-mainmenu-18/102941-minister-alex-schwengle-institucionnan-a-

participa-pa-duna-contenido-na-ley-pa-sigura-calidad-y-capacidad-di-cuido