Page 12 - AM210105

12 AWEMainta Diamars, 5 Januari 2021

Dos persona herida den accidente entre bromer cu auto

Diadomingo anochi algun minuut pasa di 9’or, un accidente di trafico
a sosode altura di Wind Creek Crystal Casino. Tabata trata di auto cu
bromer.

Na yegada di Polis, nan a constata cu e bromer a dal contra un auto.
N’e sitio dos persona tabata herida.
P’e motibo ey, dos ambulance a presenta n’e sitio.
Polis a sera e pasada di trafico for di e brug, debi cu e personanan
tabata parcialmente riba caminda y e Ambulance tabata mey-mey
caminda.
Polis di Trafico a presenta pa tuma dato y haci e investigacion
necesario.

Dama turista a dal cu su quadracer

contra un auto den bocht na Santa Cruz

DIADOMINGO atardi algo prome cu 4’or, Polis di Santa Cruz y
tambe di Trafico a bay n’e bocht di Piedra Plat cu ta bay pa Santa
Cruz, unda un accidente a sosode entre un quadracer y un auto di
famia.
Na yegada di Polis nan a topa cu un quadracer cu ta parti di un Island
Tour mey-mey caminda para y cu daño material parti dilanti.

Un poco mas panort direccion pa Piedra Plat un auto Ford tambe cu
daño material dilanti banda robes. Loke a sosode ta cu e Tour Guide
a hisa su man cu n’e siguiente cruzada esun cu ta bay pa Fa Yang, nan
lo mester bira. E dama turista manehando e quadracer a gewoon bira
den e bocht y bay dal contra e Ford, siendo cu e tavata leu di e cruada.
Polis di Trafico a tuma tur dato di ambos partido, e quadracer e
compania lo mester a presenta cu tur e papelnan.