Page 48 - HOH

Parlamentario Edgard Vrolijk (MEP): “Aruba Lo

Conoce Pa 2019 Enbes Di Un Deficit Di 25 Miyon

Florin Un Surplus Di Alrededor Di 1 Miyon Florin”

 Politica
- 18/02/2020

Recientemente CAFT tabata di bishita na Aruba y diabierna ultimo nan tabata na
Parlamento. Un bishita unda cu CAFT a bin informa Parlamento di su consehonan, pero
tambe a indica kico lo mester tene cuenta cune pa locual ta trata e presupuestonan 2020 y
2021 y cu den futuro Aruba por tin presupuestonan sostenibel y duradero.

PRESUPUESTO 2019
Cu hopi orguyo nos por a tuma nota cu CAFT a confirma na Parlamento cu Gobierno –
no obstante tur e retonan financiero y problema di entrada cu CITGO y un debe enorme
laga atras unda cu pa 2019 a paga na interes so 232 miyon florin – nos por ta orguyoso cu
Gobierno a cumpli cu e normanan stipula, esta cu mester tin un deficiti di -0,5% (-25
miyon).

Pero lo mas importante ta cu den e tratamento di presupuesto supletorio a resulta cu e
deficit pa 2019 lo tabata di 4 miyon enbes di 25 miyon, awor den e ultimo