Page 49 - HOH

uitvoeringsrapportage a bin resulta cu Aruba lo conoce pa 2019 enbes di un deficit un
surplus di alrededor di 1 miyon florin. Un super bon noticia ya cu desde 2008 tabata e
ultimo biaha cu Aruba a conoce un surplus financiero bao di Gabinete Nelson Oduber IV,
según Edgard Vrolijk..

Desde 2009 cu nos a conoce e famoso cambio di gobernacion cu “tanto pueblo a anhela”
bao engaño di cu BBO lo ta mata tur hende y cu ta friends and family so ta ser beneficia,
Aruba a ser malogra pa 8 aña cu un gobernacion Mike Eman 1 y 2 cu orguyosamente a
endeuda Aruba y nos futuro generacion sin compasion unda cu na 2014 a bati record di
mal maneho financiero, cu Aruba a conoce un KB pa mal maneho financiero y cu Aruba
a conoce e cifra record di un deficit di 444 miyon florin, mientras cu na 2008 Aruba
tabatin un surplus di 51 miyon florin.

Den 8 aña di Gabinete Eman 1 y 2 a priminti cielo y tera, cu lo percura pa finansa di
Aruba ta duradero y sostenibel y a haci uso di Richard Arends como consehero di e ex
Ministernan Mike de Meza, Bermudez y Mike Eman, pero nunca por a stabilisa nos
finansa publico, pero alcontrario a mara pueblo na man y pia na contractnan y debenan cu
lo caba te na aña 2044 y unda cu mester paga anualmente 82.4 miyon florin na
proyectonan sin a percura p’e presupuesto tin e fondo propio pa cubri esaki y manera
Mike Eman himself a bisa: “E debe t’ey pa pueblo paga cu orguyo”.

Resumiendo tur e retonan cu Gabinete Evelyn Wever-Croes a bin ta encontra, a percura
pa cumpli cu e normanan financiero cu a ser fiha pero a surpasa expectativa y p’esaki a
ricibi un compliment di CAFT cu pa prome biaha den su historia cu nan a wak
mehoracion serio den finansas di Aruba desde nan existencia na 2015.

PRESUPUESTO 2020
E retonan pa presupuesto 2020 t’ey sigur unda cu pa 2020 Aruba lo mester tin un surplus
financiero di 0,5%, pues mester tin un surplus di 25 miyon florin y pa 2021 esaki lo
mester ta 1% pues 50 miyon na surplus.

E no ta facil den bista cu nos tin un solo pilar economico cu ta turismo, pasobra e
proyecto fracasa berde (cu lo mester a trece 1600 cupo di trabao nunca a ni cuminsa), e
fantasma di CITGO a disparce, pero si a causa daño n’e trahadornan y tambe casi tres aña
di speransa falso pa pueblo y cu nunca a trece contribucion financiero pa presupuesto di
Aruba.

Banda di e reto di tin un presupuesto cu un surplus ta bin acerca e factor cu mester keda
reduci e costonan di personal cu incluyendo crisisplan mester bay di 482 miyon pa 476
miyon pa 2020 y pa 2021 473 miyon. Sigur riba esakinan ta bin e retonan cu
enbehecimento y e retonan di AZV cu manera esaki ta proyecta lo tin su costonan cu ta
core den careda di 100 miyon florin e añanan nos dilanti pa locual ta SVb, pero pa AZV