Page 7 - MIN ON

San Andres ta un isla Colombiano masha interesante. Hunto cu e islanan Providencia y

Santa

Catalina e ta forma un archipielago den Lama Caribe. E habitantenan autoctono di San

Andres cu ta yama nan mes Raisal tin nan propio idioma crioyo cu ta relaciona cu e

idioma crioyo Ingles di Jamaica.

Segun ley Colombiano Spaño ta idioma oficial di Colombia, pero si un region tin un

idioma diferente, e idioma aki tambe ta idioma oficial di e region ey. Esey ta conta tambe

pa San Andres, kiermen cu San Andres por uza su idioma crioyo oficialmente tur

caminda. E problema, sinembargo, ta cu San Andres ta un isla turistico importante cu a y

ta atrae asina hopi Colombiano di costa firme, cu Spaño ta domina y cu e idioma crioyo

di e Raisalnan ta den minoria y ta core peliger di disparce si no haci nada. Piknini

Foundation ta e fundacion cu a organisa e “Langwij Fier 2017”, un conferencia

linguistico cu a tuma luga dia 2, 7 y 8 di september ultimo. E conferencia aki tabata
durante e Green Moon Festival Edicion XIII, cu e aña aki tabata dedica na musica di

Caribe. E sistema educativo implementa na San Andres, Providencia y Santa Catalina ta

monolingual, kiermen cu idioma di instruccion ta solamente Spaño, loke no ta reconoce e

particularidadnan linguistico di e islanan aki cu tin un otro idioma vernaculo.

P’esey e meta di e conferencia tabata pa enfoca riba e aspectonan educativo cu ta

concerni e muchanan di habla crioyo di e islanan aki. Dos linguista di Aruba tabata e

invitadonan special na e conferencia aki. Nan encargo tabata pa duna informacion tocante

Papiamento y enseñansa multilingual cu Papiamento como idioma di instruccion.

Ramon Todd Dandaré Mag. Ling. a duna un tayer tocante structura di Papiamento, den e

caso specifico aki ‘frase simpel’ den Papiamento, y a haya bon reaccion di e alumnonan

di dos scol secundario cu tabata presente, fuera di docente, linguista y otro interesado. E