Page 8 - MIN ON

alumnonan mester a compara, entre otro, Papiamento cu nan idioma Crioyo y nan a haci

esaki cu exito. Ademas di e tayer, Sr. Todd Dandaré a tene un presentacion tambe tocante

historia di Papiamento pa un publico mas general. Drs. Joyce Pereira a tene un

presentacion tocante e balor di planificacion di idioma, derecho linguistico y e proyecto

di scol multilingual na Aruba, ilustra cu resultado di diferente investigacion. E publico

presente a haci hopi pregunta y a lanta un discusion interesante.

E siguiente dia Ramon Todd Dandaré y Joyce Pereira a participa na un tayer tocante

(futuro) enseñansa trilingual na e Archipielago di San Andrés, Providencia y Santa

Catalina (esta cu SanAndres Creole English, Spaño y Ingles). E dos expertonan Arubiano

a aporta satisfactoriamente cu nan ideanan y consehonan, y a keda palabra cu nan lo

sigui participa na e reunionnan di e grupo via internet. Ta obvio cu e hendenan di San
Andres tin hopi interes den e desaroyonan relaciona cu nos idioma Papiamento cu a

sobrebibi exclusion y masha hopi atake durante su existencia di por lo menos 350 aña.