Page 2 - HOH

8 LOCAL AWEMainta
Ink, cirugia y e buskeda pa ‘suficiente’
DEN tur generacion, e curpa humano tabata un ‘canvas’.
Tatuahe, piercing, scarificacion, estilo di cabey, makiyahe, y
hasta moda, tur ta conta storia di identidad y pertenencia. Den
tempo moderno, modificacion di curpa a expande pa inclui
cirugia cosmetico, ‘fillers’, implante, y ‘sculpting’—tur haci
posibel pa tecnologia, avancenan medico, y normanan cultural
cambiando.
Den su miho forma, modificacion di curpa por ta empoderante.
Un tatuahe por honra un ser keri, un cirugia por yuda un hende
sinti na paz cu su aparencia, y estilo por sirbi como un forma
di rebeldia of creatividad. E escogencianan aki hopi biaha ta
representa autonomia: e libertad pa dicidi con nos ta mustra y
con nos ta presenta nos mes na mundo.
Pero kico ta pasa ora e libertad aki ta pasa den exceso?
For di expresion pa obsesion
E prome tatuahe of procedura por sinti liberador. E di dos tambe.
Pero ora e cambionan bira constante—semper coriendo tras
di e siguiente mehoracion, nunca satisfecho cu e refleho den
spiel—algo ta cambia. E no ta mas tocante expresion y ta bira
un compulsion.
Manipulacion excesivo di curpa por ta un señal di heridanan
mas profundo. Tras di e ink, e cicatriznan, of e cirugianan
por sconde luchanan cu balor propio, dismorfia corporal, of
trauma. E curpa ta bira un campo di bataya, no un canvas—un
luga unda insiguridad ta wordo combati via modificacion sin
fin.
E factor di presion social
Lo ta facil pa bisa cu esaki ta djis tocante escogencia personal,
pero sociedad ta hunga un rol poderoso. Rednan social a
normalisa standardnan di beyesa extremo. Curpanan perfecta-
mente filtra, caranan strak, y idealnan imposibel ta bombardia
hende diariamente. Industrianan ta probecha door di alimenta
insiguridad: “drecha esaki,” “mehora esey,” “bira mas.”
Loke antes tabata un acto di individualidad, awo hopi biaha ta
wordo impulsa pa conformidad. En bes di destaca, hopi hende
ta sinti e presion pa ‘fit in’ den un idea semper cambiante di
loke ta atractivo of aceptabel. E libertad di scoge ta real—pero
tambe e presion invisibel cu ta pusha hende pa scoge bes tras
Diasabra, 6 September 2025
CLICK AKI
bes.
Respeta escogencia, reconoce dolor
Ta importante pa respeta e derecho di hende riba nan propio
curpa. Si un hende ta haya empoderamento den tatuahe,
cirugia, of cualkier forma di modificacion, esey merece recono-
cimento. Pero nos mester haci preguntanan mas dificil tambe:
Dicon asina tanto hende ta sinti cu nan no tin balor sin alter-
acion? Dicon “djis uno mas” nunca ta parce suficiente?
Esakinan no ta djis luchanan personal; nan ta refleha un
sociedad unda balor hopi biaha ta mara na aparencia. E prob-
lema no ta si modificacion di curpa ta bon of malo—e ta si nos
ta hacie pa libertad of for di cadenanan cu nos no ta mira.
Buscando un balansa mas saludabel
Kisas e berdadero reto ta balansa. Modificacion di curpa, ora
scogi conscientemente y cu respet propio, por ta bunita y yen
di nificacion. Pero ora e ta wordo impulsa pa insiguridad, e ta
bira interminabel y agotador.
Loke nos mester no ta huisio, sino conscientisacion. Pa individ-
uonan, esey ta nifica puntra: Mi ta haciendo esaki pa mi mes,
of pa yena un bashi? Pa sociedad, e ta nifica crea espacionan
unda hende ta sinti nan balora pa mas cu nan aparencia.
Nos curpa ta di nos pa duna forma, marca, y celebra. Pero
libertad ta nifica mas cu e habilidad pa altera—e ta nifica
tambe e forsa pa stop ora cu basta ta basta. Na final, berdadero
empoderamento no ta bini for di cambio constante, sino for di
siña acepta cu e canvas semper tabata digno desde principio.