Page 38 - AM240424
P. 38
38 COMUNIDAD AWEMainta Diaranson, 24 April 2024
Ban planta!
DIALUNA tawata dia internacional di Tera, Earth
day 2024. Un dia pa nos reconoce mama tera
como nos cas. Y nos ta para keto na nos natu-
ralesa bunita, mata, palo y bestianan y planeta
tera den su totalidad. Biblioteca Nacional Aruba
a presenta un otro edicion di su Sustainable
Education Symposium e siman aki.
Tema di e simposio e aña aki ta ‘Ban Planta’. Un
simposio pa duna informacion tocante diferente
aspecto di sostenibilidad na un publico grandi,
incluso alumnonan di scol. Mata tin hopi bene-
ficio, nan ta produci e.o. oxigeno, ta purifica e
aire, ta percura tambe pa nos tin tera fertil y
ademas ta duna cuminda. Nos conexion cu natu-
ralesa ta grandi.
Diahuebs awor dia 25 di april tin un ‘Evening
of lectures’ na Cas di Cultura di 7or pa 9or di
anochi. Entrada ta gratis y un invitacion ta bay na
tur interesa den e tema. Oradornan ta sr. Rendell
de Kort (Economista), sra. Roselinde Barros-
Poels (Living soil Aruba) y sr. Gregory Fung A Fat
(United farmers). Porta ta habri 6or di atardi cu
un mercado di informacion y productonan local.
