Page 68 - MIN SOC OCT 28, 2015

Departamento di Labor ta cuminsa cu nan di cinco encuesta di forsa laboral
Publication: Wednesday, 28 October 2015. Categoria: General

ORANJESTAD (AAN): E encuesta laboral cu ta cuminsa e
siman aki ta worde ehecuta door di Seccion Investigacion di Departamento di Labor, encabesa pa
Jason Lejuez. E encuesta cu ta cuminsa dia 29 di october ta bou di su supervision.
E di cinco encuesta laboral aki lo dura te cu 25 di november. Un grupo di encuestado lo bishita
diferente cas y ta spera cu e tin mesun bon acogida cu otro añanan.
El a splica cu nan tin e meta pa logra bishita 2000 adres, cu ta mas o menos 5 mil persona cu kier
entrevista. Ta trata di personanan di 15 aña bay ariba. Bou di 15 aña lo no worde entrevista den e
encuesta. Lo tin 25 persona trahando bishitando casnan durante casi un luna rond Aruba.
E encuestadonan ta trahando tur dia entre 8’or di mainta pa 8’or di anochi pa cual ta pidi pueblo
coopea cu e trahadonan, cu tin un poloshirt cora bisti y tin un badge di Departamento di Labor.
Lejuez a splica cu yenamento di e formulario di e encuesta ta tuma entre 15 pa 20 minuut. Y e
encuesta ta worde haci riba hendenan cu ta trahando of no ta trahando.
Preguntanan ta varia di datonan personal y otronan ta pa yuda Departamento Laboral haya dato
cifra di hendenan trahando, desemplea, etc. Pues ta preguntanan standard ya cu e Labor Force
Survey ta un instrumento cu ta worde uza internacionalmente pa yega na determina p.e. e tasa di
desempleo.
E encuesta aki ta masha importante pa Departamento di Labor haya cifranan concreto pa
determina e maneho, con pa uza fondonan di e miho manera pa haya bon resultado. No
solamente pa Departamento di Labor y Gobierno, pero tambe pa Banco Central y empresanan, y
tambe esnan cu kier inverti na Aruba. E cifranan alavez ta sirbi pa compara e situacion di Aruba
cu otronan den region, y con nos ta progresando en comparacion cu añanan anterior. Si