Page 70 - MIN SOC OCT 28, 2015

Empleadonan di benta di Occidental rabia cu oferta pa nan bay cas

Publication: Wednesday, 28 October 2015. Categoria: General

ORANJESTAD (AAN): Diamars mainta tabatin un grupo
di trahadonan malcontento a dicidi di bay den accion. Ta trata di empleadonan di Occidental
Vacation Club.

Un di e empleadonan Alen Augustun den un declaracion duna a bisa cu nan preocupacion mas
grandi ta e sistemanan cu ta companianan cu ta bin di afo cumpra na Aruba. Nan ta sinti cu e
sistema aki ta pusha e trahadonan den pobreza, causando problema financiero pero tambe e trato
cu e trahadonan ta ricibi ta laga di desea. Hopi cos ta sosode contra leynan laboral di pais Aruba.
“Si eseynan no ta worde respeta, anto e paisnan ey no tin base.”

Augustin a sigui splica cu e problemanan cu a surgi den transcurso di tempo na Occidental ta cu
hopi di e hefenan no tin amor pa e pais, pero a djis bin traha pa gana placa, “cual no ta
problema”. Pero e ta bisa cu asina cu no ta respeta leynan, ta causa anarquia.

E situacion cu a surgi ta cu di repente a yega oficina un dia y a haya un papel pega na porta cu
nan ta worde muda for di nan espacio actual, cu ta uno basta grandi di 20X30X40X60, pa un
espacio di 3×8. “Mi no ta bisa cu no por bende e compania, pero e forma cu ta fomenta hamber y
problema financiero ta haci cu nos ta bira mescos cu otro paisnan Latino unda cu no tin ley
laboral. Nos a pone Occidental riba pia pa nos worde trata di e forma aki.”

Segun e empleado, e hefenan tabata na altura cu e hotel ta na venta pa dos aña caba. Hefenan di
Occidental a bini Arubay a papia cu empleadonan riba cambionan cu ta bay worde haci na e
hotel y cu nan no mester preocupa pasobra nan trabao ta sigura. Di repente despues nan a bin
tene cu un otro compania a tuma e hotel over. Den reunion di 15 di october a worde bisa cu e
hotel a worde bendi y cu lo inverti 25 miyon den e propiedad. Pero no kier acepta e pakete di
oferta. Y despues nan ta worde bisa na empleadonan pa miho tuma loke cu e hotel ofrece nan.

Sinembargo e empleadonan a acerca un abogado cu a traha un proposicion a base di leynan
laboral, pero cual a worde rechasa door di e hotel . “Tur cos ta wega sushi, triki, pa atrobe abusa
di leynan laboral. SI e pais aki kier crece bay dilanti, mester protege derecho di e trahadonan.
Mester respeta pa leynan, no por fomenta hamber y laga cierto hende haci manera nan kier,”
Augustin a señala.