Page 65 - MIN ON
P. 65
Niun partido politico a cancela
nan participacion na e debate
12 July, 2017
1
Diaranson 13 di Juli, lo tuma luga un debate organisa pa Grupo Millenials y pa
cual partido AVP a bisa di lo no participa. Sra. Queeny Bergen, coordinadora di e
evento, a splica cu oficialmente te ainda nan no a wordo informa nada oficial di
esaki.
Por bisa cu pa e organisador, tur dies partido lo participa ya cu tur a confirma.
Sra. Queeny Bergen a bisa cu nan no a ricibi ningun informacion, ni yamada
telefonico of email, for di ningun di e partidonan, cu nan lo no participa.
Tur e lidernan di partido tin nan persona di contacto pa cu prensa, y te cu
diamars ainda Sra. Bergen a papia cu tur. Tur cos ta suppose di cana manera cu
e mester cana. Ariba medionan social Grupo Millenials a bin lesa cu tin un
partido politico a bisa cu nan lo no participa. Den e forma profesional cu e grupo
ta bezig cun’e ariba nivel, nan lo haya tende si esaki ta pasa di berdad.
