Page 68 - MIN ON

Parlamentario Jeffrey Kelly di fraccion di AVP ta cuestiona e intencion di e lider di MEP y su
coleganan populista di partido MEP, riba nan insistencia pa bay mishi cu e fondo di
pensioen si acaso MEP logra yega na poder.

Gritonan populista y hipocrita

“Nos ta kere cu e tipo di expresion aki, caminda lider di MEP ta papia di reduci e edad di
pensioen den futuro, ta muestra di un sentimento di desesperacion pa logra convence

pueblo, cu e MEP cu a goberna nos pais for di 2001 te cu 2009, ya no ta existi.

Sinembargo ta e propio lider di MEP awendia, Evelyne Wever Croes, como experto den
asunto di impuesto, a sugeri na Gobierno di MEP e tempo ey, cu e unico solucion pa salba
futuro existencia di e fondo di pensioen, ta di aumenta e edad di pensioen te cu 65 aña,

loke a wordo rechasa pa gobierno di su partido geel.

Awor aki pueblo por tuma nota di un lider politico cu tin cu bay segun interes di su partido ta
pidi pa e bay, no e interes general di su pueblo, ya cu e solucion cu Evelyne a sugeri den

pasado pa salba e fondo di pensioen, awor ya no tin e balor politico pa su persona, sigur
despues cu Gabinete Mike Eman si a uza su formula y tambe conseho di expertonan di
SVB, pa salba e fondo di pensioen cu tabata na rand di bancarota.

Ora c’un lider politico di un partido cu a wordo manda cas na 2009 pa mal maneho di entre
otro e fondo di pensioen, cu su gobierno nunca a duna pensionadonan algo riba nan
pensioen, awor ta pretende di bin mishi cu un fondo cu a wordo consolida na 2014, ta

momento pa realmente pueblo pensa riba #tenehopiMIEDO!

Na Hulandes tin un dicho hopi conoci cu ta bisa: “als de vos de passie preekt, boer pas
op je ganzen,” y den e caso aki cu e vision di MEP su lider y su otro coleganan di partido
pa bay mishi cu e fondo di pensioen den futuro, ta un alarma grandi pa futuro existencia di

nos fondo di pensioen.

Promesanan iresponsabel

Loke ta mas peligroso den e vision nobo aki di tanto Evelyne Wever Croes como su partido

MEP, ta e hecho cu mientras nan ta hunga wega populista cu e fondo di pensioen, ningun