Page 23 - awe1706_merged_compressed

Diabierna 17 di Juni 2022

FORTALEZA PA FAMIA.
Scirbi pa Pastor Marcel Balootje.

ALERTA, OJO; TIN DOS TIPO DI HENDE RIBA E MUNDO AKI.

Romanonan capitulo 3 vers 23 ta bisa pasobra tur a peca y ta falta e gloria di Dios.

Hende ta habri boca grandi y bisa nos tur ta pecado, pero ta existi e pecado arepenti, cu a nace pecador
pero ora e a yega na conocemento a acepta Cristo Hesus como su Señor y Salbador y awor pica no tin
dominio mas riba dje. ( Romanos 6 vers 6). Y tin hende cu pa rebeldia, material, poder, placa,inmoralidad
,of falta di conocemento ta biba den pica. ( Lesa bon kico Juan 3 :16-21 ta bisa)

Por ehempel si un hende ta biba den un cas teriblemente sushi paden y pafo, y diripiente e a dicidi di haci
un limpiesa pofundo paden y pafo, verf y pone tur cos na ordo, bo no por sigi yama e cas ey un cas sushi,
ni tampoco e persona cu ta biba den dje un persona slordig, pasobra e persona a bira conciente cu e no
por sigi biba den sushi.

Den Mateo 13 vers 24 -30 y Mateo 13 vers 36 -43 tin algo masha profundo scirbi cu tur mayor mester tene
cuenta pa nan mes y nan yiunan y cu ta un berdad cu tur lider spiritual ta na altura di dje y nan mester
cuminsa splica e pueblo (Congreacion e Berdad) . Lo bo sa e Berdad y e Berdad lo haci bo liber. Hesus ta
splika bon cla con E a sembra e bon di simia y e diabel a bin sembra yerba shimaron.

Tin hende cu ta comete un fout ,pero tin hende domina pa e malbado, nos por bisabo esey door di añanan
di experiencia, dunando Guia Spiritual ( Spirituele Begeleiding den KIA) tin hende ta comete un fout ,
arepenti cambia bida, bolbe bek serca famia, busca trabao, y biba drechi. Tin hoben ta comete un fout,
sali for di prison, bay cas bek y studia y despues bula bay afo sigi studia y logra exito, cu nan propio famia
ta bay pasa vacantie serca nan.

Pero tin hende tambe cu no kier tende, no kier arepenti, no ta wak bienestar ni pa nan mes, ni tampoco pa
otro, nan no ta bolbe bek cu famia, ni tampoco kier traha, y mas tristo cu por ta, nan ta bay biba afo, y bira
peor di locual nan tabata. Kico ta e caracteristica di hende Shimaron ( Cual diabel a sembra maldad den
dje) ( Corda bon cu nos lucha no ta contra carni y sanger ( Efesionan 6:12). Nan ta bay contra e palabra di
Dios y haci bofon y no tin temor d Dios.

Nan ta hopi amarga y ta pretende un felicidad falso, pasobra nan ta rechasa e felicidad berdadero cu ta
solamente den Cristo Hesus.( Juan 10:10). Nan ta Desobediente ( Mateo 7 vers 18-20). Nan ta Pretendido
( Isaias 29 vers 13) ( 1 Juan 1:8-10). Nan ta hopi arogante ( 2 Corintionan 11 vers 14-15) ( Romanonan 1
vers 26+27). Nan ta gusta Shushedad, Redo y Discusion, ( Romanos 1 vers 28-32). Nan ta Sensual ( Papia
nechi pero no tin e Spirito di Dios) ( Judas 1:19) ( 2 Pedro 2 vers 1+2+3). Nan ta pretende di tin razon, nan
ta gusta puesto di liderazgo (Isaias 16:6) (3 Juan vers 9-11). Nan kier mustra orguyoso y dominante.( Isaias
2:10 -17 )

Hesus a bisa e trahadornan pa no mishi cu e yerba shimaron pasobra e ta destina pa forno di candela. (
Mateo 13 vers 24-30).(Mateo13:36-43).
Bin awe serca Cristo Hesus y arepenti pasobra Solamente Cristo Hesus tin poder pa cambia destino di
hende

Sinceramente,

23