Page 68 - AHATA

Tras di e expresion di Wever-Croes tabata tin un vision gubernamental importante, cu e
palabra “rehen” ta presenta na un forma completo.

Rehen ta nifica cu un persona of pueblo ta man mara y no ta capaz pa tuma e pasonan

necesario na su bienestar. Rehen ta haci cu un persona of un acuerdo ta mara un
hende of un pais na un situacion den cual e no por actua na su interes propio ni
defende su mes.

Cu Aruba por bisa cu e ta un rehen economico, ta algo cu e Ministro di Relacionnan den
Reino di Hulanda, a expresa abiertamente. El a papia di e situacionnan dificil cu paisnan
Hulandes den Caribe ta confronta pa motibo di e problemanan cu a surgi na Venezuela
y sigur nan relacionnan cu Venezuela.

Tanto Curaçao como Aruba cu tabata tin laso comercial cu e regimen di Nicolas Maduro
pa medio di refineria, a bira victima directo di e problemanan cu for di 2014 tin
Venezuela den estado di caida y a afecta economia di e islanan Hulandes ABC, ya cu

Bonaire tambe tin tankinan di azeta.

E sector turistico di e islanan a wordo afecta pa e desaster gubernamental na
Venezuela. Turismo for di Venezuela a cay na forma drastico y companianan local cu

tabata importa articulonan for di Venezuela of tabata tin otro laso comercial cu e pais,
tambe a wordo afecta.

Riba tereno di turismo, sinembargo, Aruba tabata liber y por a tuma pasonan pa habri y

expande otro mercado.

Rehen ta e palabra cu ta describi e reto mas grandi cu economia di Aruba ta confronta
pasobra Aruba mester di loke a wordo negocia den e acuerdo pa rehabilita refineria di

Aruba, como punto di salida di un economia nobo y solido.

Na e momentonan aki Aruba den tur libertad no por exigi nada cu no ta mara na e
acuerdo cu e tin pa e refineria ni pa yuda sindicato, ni pa comercio, ni pa e pais.

Ta ora firma un acuerdo nobo, cu ta deshaci di e acuerdo di 2016, gobierno di Aruba ta
liber pa dicidi con e ta crea oportunidadnan nobo pa trahadonan no solamente den e
ramo industrial, cu ta afecta otro partinan comercial di Aruba.