Page 35 - AWEMAINTA

AWEMainta Diabierna, 14 Juli 2017 35

Jacky van Putten, POR:

Bo Bario un proyecto cu no a resulta

MI por a tuma nota cu Minister Presidente
ta menciona su proyecto di Bo Bario, na
unda barionan a haya atencion cu canchanan
deportivo y cu e barionan ta super contento
cu e proyecto aki. Mi kier a invita Minister
Presidente pa ora e bishita e barionan tur
diahuebs e tambe presenta n’e can-
chanan pa wak den ki estado nan
ta, segun Jacky van Putten.

Mi intencion no ta pa critica asina no mas pero ta importante
pa ora bo desaroya un plan di maneho cu en realidad esaki
tambe wordo cumpli.
Bo Bario, un proyecto di MP na unda a forma un grupo di
personanan, coordinadornan cu por a haci deporte pero no
sa nada di desaroyo di deporte. Bo Bario no a tene cuenta cu
e Departamento di Deporte ni cu Minister di Deporte pero
ta funciona separa.

E resultado ta cu Bo Bario a bira un fracaso. No tuma mi
palabra, subi auto y wak pa bo mes. Para puntra e bario kico
Bo Bario a significa pa nan??? Bo lo tende mescos cu mi!!!,
van Putten ta mustra.

Mi ta trahando mas cu 34 aña den deporte organisa y a tuma
hopi aña cu ESFUERSO di hopi otro colega pa desaroya e
nivel di deporte na scol, bario y comunidad en general.
Manehonan ad hok sin planea debidamente cu bo depar-
tamento encarga cu deporte y federacionnan solamente lo
resulta den un fracaso.
P’esey mi decision pa drenta arena politico p’asina nos un
bes mas uza nos recurso humano y financiero pa promove
deporte y movecion den tur bario y mas cu tur percura p’e
facilidadnan ta optimal, van Putten ta remarca.

Ta bunita pa nos tin atletanan cu ta representa Aruba riba
un nivel internacional pero ta hopi importante pa concentra
riba nos hubentud cu ta bay perdi pa falta di vision y capaci-
dad, pasobra politica ta mas importante cu maneho integro
y efectivo.
Mester centralisa deporte y concentra tur nos esfuerso den
bienestar di nos hobennan, van Putten ta termina.