Page 9 - FEB 24 DESPA

ACUDI CERA DOCTER DI CAS

Departamento di Salud Publico ta enfatisa cu na momento cu un persona bira malo cu
sacamento y/of diarea y ta sospecha cu e por a come of bebe algo cu tabata contamina, pa
acudi cerca su dokter di cas. Tur dokter di cas tin e obligacion di meld esaki na Seccion
di Malesanan Contagioso di Departamento di Salud Publico. Pa di e forma aki
Departamento di Salud Publico por tin un miho bista riba e casonan di contaminacion y
por eherce un investigacion mas rapido y eficiente posibel. Pa mas informacion por tuma
contacto libremente cu Departamento di Salud Publico na tel. 5224200.

CONTAMINACION TA NA HOTEL SO

Ta enfatisa cu e contaminacion ta isola na e hotel so y no ta den sistema di suministracion
general di awa di WEB. E sistema di tuberia di WEB ta diseña di tal forma cu
dificilmente un contaminacion isola por bay bek den e tuberia di WEB. Den WEB su red
di tuberia tin punto di control cu ta cera e sistema pa evita contaminacion di e suministro
general. Regularmente tanto laboratorio di WEB como Landslaboratorium ta test awa di
bebe na puntonan strategico den e red di distribucion di WEB bou guia di e seccion di
Higiena.

PRIORIDAD TOTAL

Ta bon pa sigura comunidad cu tur instancia concerni, esta Departamento di Salud
Publico, WEB y Aruba Tourism Authority tin e situacion aki como prioridad y ta
trahando conhuntamente pa soluciona e situacion cu a presenta.