Page 8 - MIN ON
P. 8
AWEMainta Diasabra, 8 Juli 2017 21
Women’s Club of
Aruba a representa
Aruba na California
DI dia 21 te 27 di juni ultimo, Marva Solagnier, presidente di
Women’s Club of Aruba pa 2016-2017, a representa WCA na
e convencion anual di General Federation of Women’s Clubs
(GFWC) na Palm Springs, California, cu acompañamento di Benita
Esguerra, kende ta presidente electo.
Tabatin un programa bon hinca den otro, intenso y hopi diversifica.
Como miembro di GFWC, WCA ta cay bou di Southern Region y
alabes ta cay tambe den e grupo di International Affiliates, cu Elaine
Ko- Talmadge como chairman di GFWC International Affiliates.
E paisnan internacional cu e aña aki a participa na e convencion
ta Filipinas, Taiwan, Canada y Aruba.
Como tema e convencion tabatin “It’s Our Time to Shine”. E tempo
pa briya ta encera oradornan di taya, entretenimento, diferente
tayer, business, pero locual ta mas importante ta cultiva amistad
y comparti logronan cu miembronan di e otro clubnan.
Den e encuentronan social tabatin e bishita na e Celebrity Sites y
bishita na Palm Springs Aerial Tramway, cu ta un di e atraccionnan
di aventura di mas grandi na mundo.
