Page 19 - AM230207
P. 19
Diamars, 7 Februari 2023 AWEMainta COMUNIDAD 19
Ehercito tin ehercicio cu ‘drone’ na Aruba
or di awe, 7 di februari, 60 Militar di Ehersi-
F to Real tin ehercicio na Aruba. E militarnan
ta emplea na e unidad ‘107 Aerial Systems bat-
terij’ na ’t Harde na Hulanda, y nan ta specialisa
den desplega diferente tipo di ‘drone’. Pa haci
e ehercicio posibel, e militarnan tambe tin nan
propio vehiculonan y otro material militar dis-
ponibel.
E clima na Aruba ta brinda e militarnan bon
posibilidad pa cumpli cu hopi oranan di vuelo cu
drone y cu esaki saca maximo rendimento for di
e ehercicio. Na Hulanda e posibilidadnan ta mas
limita durante periodo di winter. Banda di esey
e ehercicio aki ta brinda e chens pa colabora
cu e coleganan di e Escuadron di Marina Caribe
‘Marine Squadron Carib’ y Wardacosta Region
Caribe, cu ambos tambe ta activo na Aruba.
E militarnan ta keda na Kazerne di Marina
Savaneta y ta activo na diferente localidad rond
e isla. Desde 15 di februari e prome vuelonan ta
tuma luga y e ehercicio ta dura te cu 24 di maart.
107 Aerial Systems batterij (107 ASBt)
107 ASBt ta un unidad di inteligencia operativo
y ta specialisa den despliegue di e sistema aereo
sin piloto (unmanned aerial system (UAS), miho
conoci como ‘drone’. Cu e UAS aki e unidad ta
recompila informacionnan cu otro unidadnan
por uza den nan despliegue operativo. E desta-
camentonan di UAS tambe por keda desplega
pa tareanan civil. Durante e ehercicio na Aruba
e ‘drone’ nan ta keda solamente desplega pa
propositonan di ehercicio. E imagennan cu e
drone nan ta traha durante e ehercicio no ta
keda warda.
Colaborashon cu Luxemburgo y Belgica
107 ASBt ta colabora cu Ehercito di Luxemburgo
y Belgica. Durante e ehercicio aki tambe un cant-
idad di coleganan di Luxemburgo y Belgica ta bay
recoge experencia bou di guia di instructornan di
e 107 ASBt, bulando cu e drone nan Hulandes. E
ehercicio ta separa for di e despliegue di e MQ-9
Reaper.
Pa pregunta adishonal:
Medionan di Comunicacion por tuma contacto
cu Eerste Luitenant Dion Bremmer (+5999 690
4413 / DB.Bremmer@mindef.nl).
