Page 10 - Newspaper Oct 29 2021_Neat

10 AWEMainta .com Diabierna, 29 October 2021
RCA ta start Campeonato 2021

– 2022 den gran forma!!!

S.V. Racing Club Aruba, cu t’e organisacion
deportivo mas grandi y mas exitoso na
Aruba, a ranca sali cu hopi forsa den e
campeonato nobo. Den fin di siman varios
ekipo tricolor a mira accion y a dedica
nan prome wega na concientisacion di
cancer di pecho, bistiendo mea color roos.

Pa locual ta Division di Honor, RCA “Big
Wheel Lottery powered by Powerade” a
golea United cu e score di 5-0 y di biaha
ta pasa pa lidera e table di posicion.

Diasabra awor pa 6.30 pm den CDGPT
e Soldatnan di Solito ta topa Bubali
den e 2do siman di Division di Honor.
Directiva Tricolor ta desea tur su 16
ekiponan, U5, 2x U7, 2x U9, 3x U11, 2x
U13, U15, U17, U20, damas U15, damas
Open y Division di Honor, tur clase di
exito de e Campeonato 2021 – 2022.

Un danki masha special ta bay pa tur
nos sponsornan: Welcome Back Snack,
Interprint, Tricolores Corner, Guardian
Group, Aruba Bank, Wendy’s, Chillerz,
Aruba Insurance Broker, Famia James
Odor y Tropical Bottling Company.

Sin e contribucion di e sponsornan y
trabou duro di coaches , leidsters y
mayornan, ta imposibel pa RCA por
participa cu exito n’e campeonato.
Por ultimo directiva ta invita un y tur pa
pasa Club, pega bo car-sticker y cumpra bo
ticket di BBQ pa diasabra 6 november nos
bini hunto manera un gran famia na RCA
Arena. Un palabra di exito ta bay na tur otro
organisacion deportivo.