Page 18 - AM191109
P. 18
18 AWEMainta Diasabra, 9 November 2019
Motociclista a accidenta y a keda benta
riba caminda na Stadionweg
DIABIERNA madruga Polis a bay den
Stadioweg pa un accidente y lo tin hende
herida.
Na yegada, nan ta topa cu un homber benta
mey-mey caminda y un bromer kibra banda
di dje.
E homber cu lo t’e motociclista pa un of otro
motibo a dal contra e pal’i luz.
Segun nos a compronde e lo tabata bayendo
direccion cruzada di Avenida Milio Croes.
Por a scucha e motociclista sclamando di
dolor na su schouder drechi. Mesora a pidi
pa ambulance.
Paramediconan a yega y cuminsa papia cu e
victima y despues a transporte pa Hospital,
manera nos a bisa e victima tabata na tino.
Pa loke t’e bromer esaki no tabatin plachi di
number. Polis a laga hiba e bromer Warda
di Polis na Playa.
