Page 20 - AM191109
P. 20
20 AWEMainta Diasabra, 9 November 2019
Songefestival 60 + na Papiamento
dia 23 di Nov den Reanaissance
DIASABRA dia 23 di november awor tur e
cantantenan 60 + cu ta participa den e songfes-
tival di Fundacion Movemento ta Bida hunto cu
UNOCA ta cla pa duna un bataya fuerte riba e
stage di Renaissance Ballroom.
Un total di 15 cantante bou di guia di e maestro
Roy Sneek y compaña p’e orquesta Papito y su
Biba Lekker Band lo laga e ballroom tril y ya
caba cada un di nan a busca un ayudo profe-
sional pa ta sigur cu nan no ta faya.
Tres aña pasa esaki a worde organisa pa prome
biaha y riba peticion FMTB ta bin cu un otro
songfestival 60 +, pero e aña aki cu ayudo di
Unoca ful na Papiamento.
Di tumba pa wals y balada tur ritmo lo ta pre-
sente den nos dushi idioma Papiamento. Tur
esnan cu kier balia por wel di prepara nan mes,
pasobra nos ta bay sigi te cu 1 or cu e Nochi di
Baliadornan.
Pa prome biaha lo tin un actividad di 7 ora
nonstop cu show y baliamento. E artistanan
60+ ta: Juan Carlos Gil, Freddy Maduro, Rosa
Kelly, Rita Thomas, Lilian Besselink, Ludwina
Geerman, Rubia Maduro, Benjamin Petrochi,
Victoria Andrews, Roberto Orman, Benedicto
de Cuba, Wim Steenhuis, Rudolf Lesire, Gloria
Tujeehut, Fechi v/d Biezen.
Fundacion Movemento ta Bida ta sumamente
orguyoso di tur e cantantenan aki y ta invita
un y tur pa bin presencia esaki diasabra 23 di
november na Renaissance Ballroom.
Tur cos ta cuminsa ya pa 6 or di atardi en pun-
to y durante e festival y despues por balia cu
Papito y su Biba Lekker Band, Nos cu Nos,
Reflection Band y Musical Time. Si aña pasa bo
a keda sin haña caarchi zorg pa buska di bo na
ora. Bin apoya nos grandinan y balia cu e mi-
hor bandanan di tur tempo y alabes bo ta yuda
Fundacion Movemento ta Bida yuda otro.
