Page 9 - AM201128
P. 9
Diasabra, 28 November 2020 AWEMainta 9
Delany Wever, Teen Universe 2021
lo representa Aruba na Nicaragua
DEN e programa “E strea di Fin di Aña” na Canal
22 conduci pa Sandra Croes a corona e represent-
ante p’e concurso di Teen Universe 2021 pa Aruba
y cu lo competi den e competencia aki cu lo tuma
lugar na april 2021 na Nicaragua.
Delany mihor conoci como Dello no ta un perso-
na desconoci mirando cu na 2019 el a competi pa
Reina Hubenil y ta masha popular p’e nomber Hel-
lo Dello.
Delany Wever ta un hoben cu ta den hopi activi-
dad social y tambe ta yuda den varios organisacion
como boluntario. Un hoben alegre y cla pa enfrenta
tur reto den su caminda.
Delany tabata di competi den 2020 pa Miss Teen
Aruba International, pero dor di e pandemia esaki
ta imposibel y manera e oportunidad a yega p’e por
representa Aruba den exterior y despues di algun
deliberacion e contesta pa su participacion tabata
uno positivo.
Delany Wever ya caba ta tumando su lesnan di
Pasarela y tambe diferente otro lesnan di comuni-
cacion y etiket p’asina e ta bon prepara p’e reto aki.
E coronacion a tuma lugar den e programa Strea
di Fin di Aña, unda e sjerp a ser poni pa Roberto
Avalo di The Salon kende t’esun encarga cu Delany
su peinado y makiyahe, y el a ser corona pa George
Winterdaal, Presidente di GLW Foundation y a
ricibi su flor for di man di Nurianne Helder Miss
World Aruba 2018 y tambe den comision di MTAI.
Keda pendiente p’e proyectonan di Delany y di
awor caba nos ta pidi pa tur hende ban apoya nos
candidata den e concurso Teen Universe 2021.
Delany Wever ta bira e di 3 candidata cu GLW
Foundation ta manda p’e concurso aki, e prome ta-
bata na 2013 cu Isabella Gonzales cu a keda den
e top 12, na 2018 cu Daniella Pop cu a keda den
Top 16 y awor Delany Wever. Nos ta desea Dello di
awor caba tur clase di exito.
