Page 30 - MIN ECEM
P. 30
22 AWEMainta Diamars, 8 Augustus 2017
San Nicolas ta Berde-Berde!
Minister Mike de Meza a yega cu grupo grandi pa entrega lista
Ciudadanonan kier sigui cu e desaroyo y recuperacion economico cu a cuminsa atrobe
DESPUES cu e refineria a cuminsa move atrobe y ciudadanonan
ta nota accion y movecion den economia na San Nicolas y pariba
di brug, mesora e animo a lanta atrobe. Esaki separa di e incen-
tivonan fiscal cu Gobierno a introduci pa inversion, e cambionan
den infrastructura pariba di brug, proyectonan di inovacion y asina
por sigui menciona.
Cu esaki den mente, sostenedonan a sali diabierna mainta den
grandi pa hunto cu nan candidato, ing. Mike de Meza, entrega e
lista di partido AVP na Conseho Electoral. Esey a bay hunto den
un parada cu a sali for di Cas di Partido San Nicolas, a pasa otro
casnan di partido riba ruta pa finalmente a bay termina na veld di
Cricket unda na pia a bay entrega e lista den Wilhelminastraat.
Centenares di hende a cana hunto, den un ambiente familiar y
di animo halto pa demostra nan sosten incondicional n’e partido
berde.
Mike de Meza a bisa despues di e evento di a keda masha contento
cu e publico di pariba di brug cu tabata bon representa den e mul-
titud cu a entrega e lista victorioso di AVP. El a reitera di lo sigui
haci tur esfuerso pa San Nicolas y pariba di brug sigui mira mas
cambio, mas mehoracion, mas inversion y mas trabou pa un y tur.
