Page 27 - ON APRIL 14

28 AWEMainta Diahuebs, 14 April 2016

Concurso di pintamento a conoce
su ganadornan

Comision
Celebracion
Dia Nacional
ta clausura
Celebracion
Nacional di 30/40

DURANTE luna di maart completo Aruba tabata den

celebracion grandi. Banda di e festivalnan, concurso di
poesia y actividadnan special, e aña aki a dicidi di haci un
concurso specificamente pa tur scol basico riba nos isla.
Meta principal ta pa inculca nos cultura, mas cu tur
e amor pa nos pais y pa nan compronde e motibo p’e
celebracion grandi e aña aki.
34 Scol basico a participa cu tur nan alumnonan.

CCDN ta contento di a conta cu un participacion asina
grandi di casi 6 mil pa 7 mil mucha. E competencia di
pintura sigur a trece cune un ambiente bunita y special
pa celebra 30 aña di nos Status Aparte y 40 aña di nos
Himno y Bandera.
Den fin di siman tabatin un cuerpo di hurado cu ta
consisti di Gerencia di Mercadeo di Setar N.V. sra.
Shahaira Labad, Nigel Mattew, Reginald, Jorden Hilario
y Karin Drost-Hijmering di CCDN cu a pasa dor di tur e
pinturanan.
Ta un trabou grandi, pero sigur satisfactorio pa mira e
pinturanan crea pa nos muchanan.

A parti e alumnonan den dos categoria cual t’e categoria
di “onderbouw” y e categoria di “bovenbouw”.
Despues di a scoge e mihornan di cada categoria, a haci
un pre-seleccion y di eynan mester a saca e tres mihor
pinturanan.
E hurado no tabatin un tarea facil mirando cu ta trata di
muchanan di diferente edad cu ta competi contra otro y
tabatin varios pintura cu a hala atencion.

P’e categoria di “onderbouw” klas 1 te cu 3, e resultado
ta como lo siguiente, na prome lugar Emma School, na di
dos lugar Cacique Macuarima y na di tres lugar Colegio
Conrado Cornel.
P’e categoria di “bovenbouw” cu ta klas 4 te cu 6, na
prome lugar a keda, Scol Basico Washington, na di dos
lugar St. Anna School y na di tres lugar St. Rosa College.
Aunke cu ta un alumno ta gana cu su pintura, henter
e scol tambe ta ricibi nan regalo special di Setar N.V..
Cada scol a ricibi un premio cash p’asina contribui cu
cualkier necesidad di e scol. Tabata hopi bunita pa mira
e alegria di e muchanan y nan maestronan na momento
di haci e entrega oficial di e regalonan.