Page 64 - ON APRIL 14

A base di introduccion di 'kerndoelen" cu a tuma luga na luna di october di aña 2015, un di e partinan
mas importante ta pa test conocemento di e studiantenan. Antes tabatin un "nationale toets", pero algun
aña pasa a stop esaki, cu a haci dificil pa tin e habilidad pa mira con e studiantenan ta desaroyando y e
scolnan mes tambe. Tabatin factornan cu a conduci na esaki, pero ora a introduci "kerndoelen" tabata
netamente pa por midi desaroyo di e studiante, pero tambe pa midi unda mester adapta den e curiculo of
metodonan uza den klas.
"Esaki sigur, na ningun momento ta un cifra cu e studiante lo ricibi, pasobra tur toets ta anonimo.
Studiante y scolnan lo haya un number, pues djis un codigo. Locual kier logra ta pa saca e informacion
afo, datonan importante sin identifica di unda e ta bin, pa evita cu scolnan por haya un sentimento di con
ta para contra otro scolnan of pa e studiantenan mes bay compara nan mes cu otro.
E "kerndoel" aki mas bien ta pa por duna instancianan di enseñansa un miho idea di unda ta para den e
materia di "rekenen" na e scolnan basico. Ta premira cu e lo tuma luga na luna di juni proximo.
Examenbureau tambe ta envolvi den e proceso.
"Mi ta kere cu e aña aki nos lo haya un bon nulmeeting, pa nos sa unda precies nos scolnan ta para, unda
tin mas trabou pa haci y unda tin un conocemento amplio den rekenen, di forma cu nos por adapta pa
logra un exito mas grandi den matematica", di acuerdo cu Minister Michelle Hooyboer-Winklaar.

Minister di Husticia a ricibi e prome ‘Quick Reference Card’
di traficacion di hende

Wednesday, 13 April 2016 18:53
Comparti

Recientemente Coordinador Nacional contra Traficacion y Contrabanda di Hende pa Aruba, mr. drs.
Jeannette Richardson-Baars a entrega den nomber di e Taskforce contra Traficacion y Contrabanda di
Hende Aruba
, e prome ‘Quick Reference Card’ (QRC) na Minister di Husticia, mr. drs. Arthur Dowers.

Diahuebs 14 di april e Taskforce lo bay cuminsa cu un training pa empleadonan di departamentonan di
Gobierno y institutonan na Aruba cu por confronta den nan trabou cu posibel casonan di contrabanda of
traficacion di hende. E training ta pa siña e trahadonan con pa reconoce indicacionnan di contrabanda of
traficacion di hende y kico mester haci.

E QRC lo wordo duna na e trahadonan cu a sigui e training y ta duna un lista di e indicacionnan cu e
trahadonan por wordo confronta cune. E Coordinador Nacional ta enfatisa cu ta hopi importante pa
indicacionnan yega cerca dje y su grupo pa por tin bon bista riba casonan di ‘sclavitud moderno’ y por
investiga nan. Pesey e number di telefon di Hotline (5923231) y email (tmma@kparuba.com) ta poni riba
e QRC.

E prome trainingnan ta wordo duna na e departamentonan cu ta traha na fronteranan di Aruba. Mas o
menos 100 persona di IASA, Warda Costa, Polis Maritimo, Polis di Aeropuerto, Polis di Waf y Polis
Militar Hulandes lo forma e prome klasnan. Despues lo sigui cu mas o menos 150 persona di Ministerio
Publico, Departamento di Asuntonan Social, DIMAS, Departamento di Labor, Aduana, Departamento di