Page 67 - ON APRIL 14

Wayne) pa cual nan tabata contrat’e. Durante e decada 1960 - 1970 Bettina a envolucra su mes cu e
National Cowboy Hall of Fame (NCHF) na Oklahoma City y el a co-funda National Academy of
Western Art cu tabata funciona bou auspicio di NCHF. Durante e siguiente decada NCHF a otorga dos
premio na Bettina y na 1995 e museo a monta un retrospectivo di su obra. E siguiente aña Bettina Steinke
a ricibi e John Singer Sargent Award pa “logronan di henter su bida” for di Society of Portrait
Artists.
E mapa humoristico di Aruba cu ta cumpliendo 70 aña ta producto di dos artista famoso di berdad,
Bettina Steinke y Don Blair.
Algun tempo pasa, Aruba Scholarship Foundation (ASF) a ricibi como regalo di tres persona cu a lanta
den Colony (Tom Kester, Don y Lisa Gray) algun print di e mapa; un poco mas chikito (90cm X 45cm),
pero tambe riba papel di arte di bon calidad. Danki na e generosidad di e tres amigonan di ASF, awe abo
por haya uno na oficina di 4Sale Magazine na Seroe Blanco20 cu un donacion na Aruba Scholarship
Foundation di binticinco florin (AWG 25.00). Cumpra bo mapa y yuda Aruba Scholarship Foundation
yuda nos studiantenan.
E oferta aki ta valido tanten tin. Op is op!

Scol Basico Filomena lo expone e 'EXPO Hoben y Talentoso'
te cu 12 di mei

Wednesday, 13 April 2016 14:34
Comparti

Diamars mainta e EXPO Hoben y Talentoso a bishita su di tres scol den e bario di San Nicolas. Despues
cu e inicia esaki na Colegio Arubano San Nicolas sigui pa scol basico St. Paulus School, awo a toca turno
na Filomena basischool expone e Expo.
Den presencia di e cabesante di e scol, sr. Mario Nooien, e alumnonan di klas 6, algun rolemodel den e
proyecto como tambe Prome Minister Mike Eman, e vocero di e Comision Hoben y Talentoso, Jerwin
Giel a yama tur presente un caluroso bon bini na e EXPO Hoben y Talentoso. Como cara di e proyecto, e
hoben Jerwin Giel cu riba su mes ta un rolemodel super motiva y determina a splica un poco di e idea
tras di e EXPO Hoben y Talentoso y e influencia positivo cu esaki lo bay tini riba tur e alumnonan di