Page 7 - MIN ECEM

PAGINA 24 DIARIO DIABIERNA 30 OCTOBER 2015

Ing. Robert Henriquez:

Eliminacion di ‘heavy fuel oil’ ta bay na un forma
responsabel, pagabel y sostenibel

ORANJESTAD (AAN): Di-
rector di N.V. Elmar, Ing.
Robert Henriquez ta un di
e anfitrionnan di algun di e
reunionnan tumando luga
e siman aki na Aruba, esta
“Aruba Learning Event” y
Green Aruba VI. E enfoke
ta riba e transicion di Aruba
for di uzo di ‘heavy fuel oil’
pa produccion di awa pota-
bel y coriente pa un situa-
cion unda e planta na WEB
Aruba N.V. ta bay uza 100%
recursonan sostenibel, cu ta
un contribucion tambe na un
medio ambiente mas limpi y
mas sano.

Dialuna e participantenan
na Aruba Learning Event a
bishita e parke solar na Aero-
puerto Internacional Reina
Beatrix, e parke di molina
di biento na Vader Piet y e
planta di WEB. Ing. Robert
Henriquez a bisa cu a duna
e invitadonan un splicacion
amplio di e proyecto, cu e
referi na dje como e “stem-
pel” cu ta re afirma y sub-
raya e direccion cu Aruba
ta tumando pa tur hende cu
wak e na nan yegada.

E independencia for di uzo
di ‘heavy fuel oil’ tambe tin
un prijs y pa medio di com-
parti kico cada isla ta hacien-
do durante di Aruba Learning
Event y treciendo e informa-
cion aki den e conferencia
Green Aruba, ta comparti
y siña for di otro y ta yuda
Aruba den su planning pa
alcansa 100% independencia
pa aña 2020.

Durante di Green Aruba,
e companianan di utilidad pa
presenta tambe con Aruba a
logra yega na e prome 50%.
Robert Henriquez a subraya
cu no ta papia solamente di
ideanan bunita, pero a pa-
pia di obstaculonan tambe,
pasobra e independencia cu
Aruba ta buscando pa yega
na dje no ta facil pa logra.

Ing. Robert Henriquez a
conclui bisando cu Aruba
tin un “framework” cu e ta
manteniendo cu ta guia e
proceso y e condicion ta cu
e red di coriente mester keda
funciona na un forma con-
fiabel, e transicion mester ta
pagabel y tambe sostenibel