Page 13 - KPA

ORANJESTAD(AAN): Atraco Team no a bacila pa pone man rapidamente riba un atracador

peligroso. Esaki a sosode den menos cu 24 ora despues di e atraco cometi. A kita libertad di
otro criminal. Esaki ta danki tambe na e comunidad cu a usa e tipline di Polis na 11141.

E homber Eric de Cuba ya caba a cay sera mas biaha. Hasta pa atraco arma el a yega di cay sera. Ta

un sospechoso cu no sa copera cu autoridad durante interogacion. Despues di comete atraco
Atraco Team a analiza e video di seguridad den e negoshi. Eynan a cuminsa reconoce e prome
atracador como Eric de Cuba. Ora e video aki a bay den publicidad a haya yamada na tipline di Polis

11141 tambe. E sospechoso a keda deteni banda di Certified Super Center. Ora a haci detencion e
sospechoso no a haya chens di haci masha cos. El a copera cu autoridad pa su mesun bon.

Recherche di Atraco Team dimes tabata bon prepara pa cualkier situacion cu por a presenta.
Pueblo a reacciona cu basta felicitacion cu e detencion di e atracador aki. E otro atracador un ora pa
otro tambe lo keda deteni.