Page 17 - KPA
P. 17
ORANJESTAD(AAN): Diasabra alrededor di 6:30pm, riba e caminda principal di
Aeropuerto pa Oranjestad na altura di Camacuri, a sosode un accidente cu
coriente.
Gerald Luidens di 51 aña di edad, biba na Rubi, trahando pa su compania Fast
Signs tabata riba un Manlift trahando riba un billboard net dilanti Budget Car
Rental, ora cu el a descuida y dal cu su cabes den un kabel di coriente di
voltahe halto. Testigonan a conta cu nan a mira un vonk di grandi di coriente, a
mira candela y a mira hopi huma preto saliendo. Polis, Ambulance, Brandweer,
NV Elmar y DTI a yega na e sitio pa duna un man.
Pa 8:15pm, Dr. Dirks a constata morto.
Por a mira cu e Manlift tabata pega tras di su auto. Eynan el a baha y bay halto
y pa un descuido humano a dal su cabez den e waya di alto voltahe. E trabou
aki ta su pan. Mas biaha e sa hacie caba. Paz na su restonan y hopi forsa na
henter famia.
