Page 24 - KPA

Diadomingo, pa mas of menos 2’or y 45 di marduga, central ta yama warda di polis na Shaba pa
manda un patruya na San Miguel, mirando cu un otro patruya tabata ocupa cu un otro tarea. Patruya
di Noord a bay na dicho parcela y a papia cu e homber L, kende a indica cu e ta tata di e mucha muhe

menor di edad L. El a bisa cu el a yama polis pa pone nan na altura loke a pasa cu su yiu muhe. E
mucha muhe L. a bisa cu pa mas of menos 1’or y 45 di marduga, e tabata riba parkinglot parti pariba
di Upstairs, cu algun conoci. Diripente el a mira e mucha homber kende e conoce como DT den un

auto color scur, ta pasa banda di dje. Ora cu e mucha homber a wak’e, di biaha el a cana bay den su
direccion y a cuminsa menas’e cu e no tin miedo di dal’e un bala den su cabes y cu e lo tira riba su
cas tambe y cu no ta prome biaha cu el a haci esaki. Tambe cu e lo kibr’e den otro. Despues el a

push’e asina duro, cu e mucha muhe a cay abao, caminda cu el a haya algun rasca na su elleboog
robes. Despues el a cana bay masha trankil direccion di “The Village”. Door di esaki el a bira

nervioso y tin miedo cu e lo comete e actonan aki. Parce cu T. ta amigo di un amiga di dje y cu el a
purba di basil’e 3 pa 4 luna pasa. Pero e no a logra, door cu su amiga a haya su intento fracasa. Awo
T. ta pensa cu el a pone su amiga na altura di un ke otro di su plan. Debi na esaki el a tuma un
postura agresivo contra di dje y a cuminsa menas’e. El a wordo poni na altura pa busca ayudo medico

y pa entrega e rapport medico na recherche. Central a wordo poni na altura. Patruya a bay haci un
investigacion den e vecindario pa busca T., pero no a topa cun’e. Por spera mas problema den futuro.

Esaki tin full atencion di polis.

Suceso
NOTICIA DI POLIS: MAL

SERVICIO A PONE TURISTA

COMPORTA MALO DEN

CASINO

POSTED ON JUNE 20, 2017, 6:22 PM
2 SECS
POST VIEWS: 10

ORANJESTAD, Aruba