Page 26 - KPA

Suceso
NOTICIA DI POLIS: ATRACO

DEN DANKI SUPERMARKET

Dialuna, pa mas of menos 6’or y 56 di atardi, Central ta manda patruya na Danki Supermarket situa
na Tanki Leendert, pa un caso di atraco. Eynan a papia cu e dama HZ, kende ta conta cu dos hoben
desconoci, bisti completamente na preto, a comete atraco arma den dicho supermarket. Despues di e

robo ambos hoben a core bay direccion zuid patras di e supermarket. Atraco Team a wordo poni na
altura. Datonan a wordo tuma y Central a wordo poni na altura.

E hobennan a bay cu mas of menos 400 pa 500 florin y algun carchi di telefon.

Suceso
NOTICIA DI POLIS:

BISIÑANAN TA PLEITA PA

MOTIBO DI MATA

Dialuna, pa mas of menos 7’or y 41 di mainta, Central ta manda patruya den Mispelstraat pa un

pleito entre bisiña. Eynan a papia cu e dama, kende despues a bin resulta di ta H. E dama a bisa e y
su bisiña tin problema cu un bisiña cu ta biba patras di dje. E muhe algun biaha ta benta sushi den su
cura. El a sigui splica cu prome tabata un mata grandi. E mester a corta e mata pasobra e ta haci e

cura di e muhe sushi. Actualmente e no tin ningun palo den cura cu ta haci e cura di e muhe sushi. E
otro bisiña tin un palo berdad. E muhe a splica cu e sushedad ta bin di e otro banda. Algun biaha si e
muhe a gara nan ta benta e blachinan den cura. Den cuadro di esaki, polis a bay den Cantaloupestraat.

Eynan a papia cu e muhe H., kende a declara cu e tin molester di e blachinan di e bisiña di patras.
Polis tambe splik’e cu blachinan por bula bin den cura debi na naturalesa, pero si tin molester, e por
bay na e bisiñanan y papia den bon manera y manera hende grandi pa yega na acuerdonan fiho.

Tambe el a wordo poni na altura pa biba bon cu bisiña pasobra den cualkier posibel problema, nan
por yuda soluciona esaki. E muhe a declara cu e lo pone Mike Eman na altura pa duna DOW
opdracht pa corta e matanan. Paz a wordo restaura pa e momento eynan. Central a wordo poni na