Page 93 - KPA

OLIS TA DETENE DOS HOBEN

SOSPECHOSO DI LADRONICIA, NAN

TABATA DEN UN GRUPO CU A HORTA

ALGUN HOLOSHI DEN CAYA BETICO CROES

20/06/2017 Admin Uncategorized Leave a comment

Dialuna, algo pasa di 3’or di atardi, polis ta wordo manda na Noveltys Franken,
den Caya G.F. Betico Croes pa un caso di ladronicia, caminda un grupo di mucha
hombernan hoben lo a horta algun holoshi.

Na yegada nan ta papia cu e doño y e bendedora, kende ta splicanan cu un rato
prome un grupo di 5 pa 6 mucha homber a horta algún holoshi, según nan, e
muchanan aki lo ta biba den área di Rancho of nan ta frecuenta hopi den
Rancho.

Pabou di e tienda aki tin un pasada entre Caya Betico Croes cu Klipstraat, den e
pasada aki tin algún mesa, cu commerciantenan ta bende varios articulo entre
otro holoshi, cd’s, dvd’s, cartera etc. Mirando cu e mucha hombernan a yega
na un grupo para na e mesa, e bendedora, no por a tira bon bista riba tur su
articulonan y el a declara cu no ta prome biaha cu e mesun mucha hombernan
aki ta haci esaki.

Despues cu nan a horta e holoshinan nan a cana bay dirección pariba. Según e
bendedora un 5 minuut prome cu e mucha hombernan a bin horta cerca dje, nan
tabata sinta dilanti Botica del Pueblo.

Na momento cu polis tabata tumando nan declaración , a bin dos mucha homber
di pariba, mesora e bendedora y e doño di e negoshi a reconocenan, nan a
mustra polis riba e dos muchanan y a bisanan cu e dosnan aki tabata den e
grupo cu un rato prome horta eynan y cu nan tin e holoshinan riba nan.

Polis a detene e dos sospechosonan, un ta A.W. Stamper, un studiante di Middag
Mavo y e otro ta AJ Vrolijk, cu no tin trabou. Ambos a wordo transporta pa
warda di polis.