Page 95 - KPA

Parlamentario Clarisca Velasquez Fraccion di AVP a presenta
dos amienda pa enforsa Ley di trafico pa cu seguridad den

trafico

Tuesday, 20 June 2017 15:21
Comparti

Durante reunion publico caminda a haci diferente cambionan den ley di trafico y tambe ley cu ta atende
crimen international. fraccion di AVP a presenta dos amienda pa enforsa e ley di trafico pa enforsa
seguridad den trafico. Manera semper Mep mayoria parlamentario ausente y cu poco interes pa e
reunion publico aki y cu hopi critica.

Y culpa gobierno di tur cos pero ningun contribucion di nan banda pa trece cambionan den e leynan cu
nos a trata den parlamento. Un di e amiendanan ta trata ora un hende ta envolvi den un accidente of
door di un hende su comportacion den trafico a sosode un accidente cu e ta prohibi esnan envolvi pa
bandona e sitio di dalmento prome cu un polis of un funcionario asigna door di minister jega pa haci
investigacion. Esaki ta netamente pa hendenan manera Besaril cu a burla di ley y di husticia no por "get
away" mas cu esaki. Pesey a haci articulo 4 di e ley di trafico " Bes proof". E otro amienda ta pa haci e
celular den man ora ta maneha un vehiculo castigabel mirando e tendencia peligroso cu chauffeur nan ta
usa celular mientras ta stuur vehiculo.

A haci esaki despues di scucha tur e instancianan cu ta atende cu trafico. Ora bo ta usa e celular mientras
ta stuur ta resta un solo man pa haci maniobra den trafico y por kita atencion di e chauffeur for di e
trafico treciendo asina e seguridad di trafico na peliger. Fraccion di AVP como legisladornan den
parlamento ta asumi nan responsabilidad pa contribui na seguridad di nos trafico haciendo cambionan
den e ley di trafico. Ta urgi minister di husticia pa bin cu un campanja di concientisacion prome cu e
cambionan den e ley di trafico bai na vigor. Ta spera cu pueblo tuma nota di e dos cambionan aki ora ta
haci uso di nos trafico como chauffeur di vehiculo.