Page 12 - AHATA

A15
HENDE Diamars 12 December 2017
Fiesta di Sinterklaas pa muchanan di Casa Cuna

ORANJESTAD - Reci-
entemente Aruba Hotel
& Tourism Association
(AHATA) conhunta-
mente cu Barceló hotel a
organisa un fiesta di Sin-
terklaas pa e muchanan di
Casa Cuna. E evento tam-
be a wordo celebra hunto
cu e yiunan di e emplead-
onan di Barceló Aruba.

Segun e relato cu nos a haya,
un total di 27 mucha di e
edad 1 te cu 6 aña di Casa
Cuna a pasa un rato agrada-
bel, unda nan a canta y baila
cu e Pietnan.

Tur aña Barceló Aruba ta
haci un fiesta pa e yiunan di
e empleadonan, pa asina nan
por pasa un rato agradabel.
Durante e fiesta di Sinterk-
laas e muchanan a haya du-
shi snacks y por a disfruta
di show ofreci door di Bar-
celó Aruba, mientras cu di
parti di AHATA a percura
pa e T-shirtnan y bunita re-
galonan pa e muchanan di
Casa Cuna, asina Vanessa
Rasmussen, representante di
AHATA a expresa.

Jane Braafhart, Human Re-
source Director di Barceló
Aruba a expresa cu tur aña
nan ta haci e actividad pa e
yiunan di nan colaborador-
nan.
E colaboradornan ta cumpra
un regalo y entrega esaki na
e hotel, kende ta organisa e
fiesta. Pa cu e fiesta, e ho-
tel a prepara un buffet pa
e muchanan por a come y
tambe saconan di mangel.

Manera e tradicion ta, Sin-
terklaas y Zwarte Piet a pre-
senta, yama e muchanan pa
mira ken ta bon mucha y
mala mucha, unda cu a parti
regalo. “Esaki ta algo cu nan
gusta masha hopi mes.

Nos a ripara cu pa añanan,
en bes e bay atras e ta bay di-
lanti”, asina sra. Braafhart a
expresa. E aña aki mas di 125
mucha hunto cu nan mayor
a participa na e celebracion di
Sinterklaas y Zwarte Piet.

Durante e celebracion taba-
tin hopi animacion, di cual
e Sinterklaas y Zwarte Piet
tabata haci esaki.

E Zwarte Pietnan tabata
haci hopi ambiente, unda cu
nan tabata baila y canta cu e
muchanan. Tambe nan a tene
competencia di baile di cual e
muchanan a gosa un mundo
di esaki.