Page 31 - AHATA
P. 31
internamente di no ta di acuerdo cu nan. Por menciona e reunion di comision di
asuntonan interno di Parlamento.
E tema di e discusion of pregunta con por ta posibel cu un miembro di Parlamento cu ta
bou investigacion penal, por representa Aruba den exterior. Nan ta papia aki di
Parlamentario Benny Sevinger. Esaki tabata algo cu por a compronde cu e Parlamentario
no tabata di acuerdo e forma con a atende cu e asunto aki.
Ademas tambe e tin su preocupacionnan pa e maneho di Finanza y Asuntonan
Economico, mirando con esaki ta afecta e pueblo mes. Pues hopi aspecto cu kisas lo por
tin di haber cu su bishita na Gobernador pero cu e Parlamentario mes no kier a confirma
ni desmenti.
Segun analistanan, e hecho cu e no kier a duna comentario ya caba ta bisa hopi, pero cu
den transcurso di ora of dianan lo por haya mas di esaki. Otronan ta mir’e como un
continuacion di un desaroyo cu a inicia den fin di siman, midimento di forsa entre POR y
MEP y awor tambe entre Daphne Lejuez y Ricardo Croes. E dos ultimonan aki ultimo
tempo ta pensa mescos riba varios tema y lo por bira un problema pa e coalicion actual, si
por ehempel nan bira independiente for di e coalicion. Esey riba su mes por ta inicio di
caida di e Gobierno actual.
https://24ora.com/daphne-lejuez-na-salida-di-gobernador-mi-no-ta-duna-comentario/
