Page 27 - AHATA

ORANJESTAD (AAN) – Ya pa di cuatro aña consecutivo, Aruba ta e anfitrion di e ITF
Beach Tennis Panamerican Championship. Sigur algo di admira, ya cu un campeonato
aki, segun historia di e deporte, ta keda maximo 3 aña consecutivo na un pais.

Awe Diaranson, 6 November pa 7’or di anochi, na Tropicana Beach Tennis Club (BTA),
lo tuma lugar e rueda di prensa pa duna asina e apertura oficial di e torneo aki. Mas di
50 participante, lo bai bataya pa asina por bai cu e titulo maximo den e deporte di
Beach Tennis pa loke ta e region Panamericano

Paisnan mane Brazil, despues di a titula nan mes campeon mundial pa di dos aña
consecutivo, sigur lo bataya pa hiba e titulo aki tambe. E otro paisnan participante ta:
Venezuela, Puerto Rico, Argentina, Chile, USA, Ecuador, Korsow y nos ekipo local.

Durante e rueda di prensa lo duna un splicacion amplio di e ITF Panamerican
Championship como tambe e Aruba Beach Tennis Open cu lo cuminsa e aña aki
diasabra, 9 November na Bushira Beach Arena.

Despues di esaki lo bai over na hasi e draw official caminda un representante di cada
pais mester ta presenta pa asina por wak cua pais (nan) lo bo bai enfrenta e diahuebs
siguiente.

https://www.diario.aw/2019/11/awe-diaranzon-lo-tin-draw-oficial-pa-itf-beach-tennis-panamerican-
championship-2019/