Page 24 - AHATA

A15
HENDE Diaranson 6 november 2019

Thom de Graaf ta elogia Trampolin pa Trabou riba Twitter

ORANJESTAD- Durante su bishita di trabou na Aruba
y Corsou, Vice Presidente di Raad van State Thom de
Graaf a elogia via Twitter e trabou cu fundacion Tram-
polin pa Trabou ta bin ta haciendo pa asina integra ho-
bennan cu limitacion den forsa laboral.

Despues di un agenda cu bishitanan oficial na Gobernador
Alfonso Boekhoudt, bou presencia di Conseho di Estado (sta-
atsraad) di Aruba pa Reino Milly Schwengle, mescos bishita-
nan pa prome minister Evelyn Wever-Croes (MEP) y parla-
mento, De Graaf a haya chens pa bishita Trampolin pa Trabou.
Durante e bishita e Vice Presidente di e organo consehero di
Reino riba asuntonan legislativo y di maneho a mira con e
fundacion ta traha. Lionel Rumnit, kende ta esun cu a cum-
insa y ta lidera e fundacion, a duna De Graaf un tour di loke
ta pasa bou guia di e fundacion y con nan ta yega na nan meta.
De Graaf a menciona cu e ta un ‘iniciativa bunita’ riba su
cuenta di Twitter, mirando cu e fundacion ta yuda hobennan
cu limitacion integra den mercado laboral.

Reapertura Museo

Arkeologico Arubano

ORANJESTAD – Despues di permanece mas cu dos
aña cera, Museo Arkeologico Arubano (MAA) a habri
su porta bek.

Ayera minister di Cultura, Xiomara Ruiz- Maduro a bisa cu
durante e mas di tres aña cu e museo a permanece cera, e
importancia di MAA tabata bisto pa turismo, enseñansa y in-
formacion.

E mandatario a anuncia cu despues di e reapertura aki lo bin
un fundacion cu lo permiti cu MAA por tin un maneho au-
tonomo y crea su fondo. Tambe el a laga sa cu lo bin un mane-
ho mas structura pa loke ta trata nos museonan na Aruba.