Page 42 - EXTRA

42 Djaluna 15 Yanüari 2018
Kontinuashon di pagina 7
Hòmber detené despues
menasa ku a tuma lugá
den e área di Buena Vista.
Na e okashon aki un
hòmber a menasá i maltratá
un otro hòmber ku un pida
palu.
Na yegada di e patruya
na e sitio nan a topa ku un
hòmber ku ta sufri di un
malesa mental bentá abou
i tabata keha di hopi doló,
i a deklará ku un hòmber a
menas’é i maltrat’é.
E homber sospechoso
di inisial G.F.M.C. nasé
na Kòrsou di 23 aña di
edat a keda detené komo
sospechoso di e kaso di
maltrato ariba menshoná.
Kontinuando ku e
investigashon e hòmber
G.F.M.C. a deklará ku na
kaminda pa bai trabou, e
víktima tabata intimidá su
kasá.
Mas aleu e ta bisa ku e
dia en kuestion el a bai na e
sitio ku su kasá i a choka e
víktima i menas’é pa esaki
no sosodé mas.
Sinembargo e siguiente
dia e víktima a bolbe
intimidá e señora i e
sospechoso a rabia hopi
i a kore tras di e víktima i
maltrat’é ku un machete.
A presentá e sospechoso
dilanti un F iskal
Ouksiliar ku a ordená su
enkarselashon pendiente
mas investigashon.

aviso@extra.cw