Page 52 - DESPA

alimentacion. Awendia no kier papia mas di dieta, pero alimentacion saludabel. Tin hopi

reto ora cu un hende bira diabetico, e tin cu bay adapta den su comemento y e mester di

un guia pa e cuminda keda den balansa. Esey ta e meta. Ora bo kita un cos for di bo

alimentacion, for di bo cuminda, e ora ey bo por perde otro ingrediente, nutriente y tin cu

percura pa tur cos tey. Asina ta guia e pashentnan den e proceso ey. E ta algo cu ta tuma

tempo y nan mester di hopi conseho y hopi motivacion. Nan ta bin prome biaha cerca

Henriette. Despues nan ta bin cada tres luna of si tin mester, por bin mas frecuente.
Normalmente ta prefera pa e pashent bin cu un verwijsbrief di e dokter di cas, pasobra e

por tin otro complicacion of malesanan cu no sa di dje. Ta bon pa ta na altura di eseynan

pa por inclui den nan alimentacion, teniendo cuenta cu tur cos.

Tambe ta guia nan estilo di bida, movecion, conseha nan den otro partinan, e orarionan pa

come, ora nan ta traha. Tin ora nan ta traha warda, cu nan remedinan, combinacion di

warda, drumi mento, tur esey, tin cu tene cuenta pa cos keda mas balansa.

Tentacion

Tur hende tin tentacion, net vooral cerca esnan cu tin cu cuida nan curpa, aunke nan sa cu
nan no ta bon. Tin hende ta malo, pero nan no sa cu nan ta malo. Henriette a splica cu e

no ta facil convence nan. E control mester keda. Ta compronde tambe cu nos mes tin

biaha den tentacionnan, si no tin un hende pa yuda, pa motiva, ta hopi importante pa un

hende ta cubo den e proceso ey. Por tuma contacto cu e dietistanan via email, telefon,

bishita nan, tur cos ta posibel, pa haya e apoyo eynan. E ta pasonan chikito. Por ehempel

si un pashent ta come 10 snechi di pan y awo ta come ocho, ta mira e progreso. No cu tin

cu alcansa tur cos den un momento of den un paar di dia. E ta un proceso. Ta motiva nan