Page 49 - DESPA

Segun Adelita Henriette, ora cu un persona ta na estado mester di caloria y si no

compronde kico ta caloria, entre otro carbohidrato ta duna caloria, e ora calorianan mas

facil cu e curpa por asimila. Si bo ta kita carbohidrato for di un persona, no ta cu e por

falta otro cosnan tambe, fuera di carbohidrato, pero e mester di yega na su calorianan pa

dia. Carbohidrato no ta un palabra malo. Ta algo cu tur hende mester. Pa nos mente nos

mester carbohidrato constante. Nos musculonan, nos curason, henter nos curpa tin

musculo y mester di carbohidrato. E ora bo ta kita esey for di e alimentacion, e ora bo ta

bay hayabo den problema. Entre otro tin un problema hopi grandi cu e persona por bira

depresivo. Esey ta estudionan cu a wordo habi. Hende cu ta bay cero carbs, tin hopi chens
grandi pa bay den depresion. E mente ta bay haya falta di carbohidrato y glucose, e ora e

por hib’e na problemanan mental hasta.

Comemento saludabel

Conseho ta, ora cu nos sigui plan di cuminda saludabel di e departamento di salud, tin un

guia di e boto. Si nos sigui e guia ey, bo ta haya di cada grupo di e diferente cumindanan

cu tin, cuanto bo tin cu como como hende muhe, como hende homber, si bo ta activo,

menos activo. Tin pa muchanan tambe y tur ta depende riba e edad, e sexo di e persona y

actividad. E ora bo ta haya e guia ey, pasobra tin diferente cuminda cu tin cu come tur

dia. No bisa come berdura so of fruta so. Tin diferente grupo di cuminda. A base di esey

ta guia e pashentnan pa come saludabel. E cantidad ta individual, con nos ta adapta esey.

Ora e pashent bay na un dietista na Imsan, ta splica nan, cuanto nan mester come basico y

depende nan actividadnan, ta aumenta esey. Si nan ta menos activo, ta baha esey. Esey ta

hopi individual.