Page 46 - DESPA

Ora bo haya sa cu bo ta diabetico

Centro Diabetico ta educa nan. Awo cu nan ta diabetico tin cu tene cuenta cu e

comemento, tin cu come mas saludabel, tin cu haci mas movecion. E bida ta cambia, pero

ta guia e pashent con pa biba cu e malesa. Ta purba informa nan cu nan tin cu cuida nan

riñon, haci checkeo di wowo, checkeo di pia un biaha pa aña. Tin cu wak circulacion y

nervio di pia. Ta purba pa informa e pashentnan mas miho posibel. Pero toch e

informacion aki ta den man di e pashent. Ta duna nan yen di informacion y ta contesta tur

pregunta. Pero e trabao mas duro, e pashent tin’e, pasobra e tin cu haci kico ta miho p’e.

Esey tin biaha ta hopi dificil pa e pashent, pasobra ta full un cambio nobo den su bida.

Cifra

E cifra na Aruba ta 16.24% di e poblacion cu ta diabetico. Pero mas cu 50% di e

poblacion no sa cu nan ta diabetico, pasobra nan no ta controla pa wak si nan ta diabetico.

Tambe no tur diabetico ta bay na e centro na Imsan, pasobra hopi dokter di cas tin
praktijk ondersteuners, cu tambe ta guia e pashentnan diabetico cu nan malesa. Si e

pashentnan no tin praktijkondersteuners, e ora nan ta bay Imsan. Tambe e dokter di cas ta

verwijs e pashent na e centro. Tin podo therapeut cu ta yuda e pashent ora nan tin herida.

Nan no mester yama of traha afspraak. Una bes cu nan wak un rasca, algun cos chikito

riba nan pia, pasobra e podotherapeut ta di e rudia bay abao, nan por bin di biaha. No

mester traha cita of warda te otro siman. Una bes cu mira un herida, si ta un blaar, un

corta, cacho a mordebo riba pia. Un cos chikito, ta bisa pa bin di biaha pa por gar’e

tempran y no warda te ora e bira algo pio cu bo mes no por yuda bo mes na cas cun’e

mas.