Page 45 - DESPA

porcentahe di diabeticonan na Aruba. No solamente na Aruba y mundialmente, e ta

subiendo. Kier pa yuda baha e cifranan, na luga di sigui subi.

Prevencion

Por baha e cifranan aki door di prevencion. Prevencion ta miho cu cura. Por biba mas

saludabel y haci mas movecion y por control’e. Tin bus di salud cu ta haci cierto

controlnan, cu ta controla, sucu, presion y colesterol, cerca nan. Tambe por haci esaki na

dokternan di cas. Si bo tin famia cu ta diabetico, e ta mas importante pabo pa bo por

controla, pasobra diabetes ta algo cu ta genetico tambe. Bo chens pa haya esaki tambe ta

grandi, vooral si bo no ta hibando un bida saludabel. Ta conseha henter publico, vooral

esnan cu tin famianan diabetico, pa controla tambe.

Atendencia na Imsan

Na Imsan, Centro Diabetico, tur dia nan tin pashent cerca nan, for di dialuna pa diabierna,

for di 8’or di mainta pa 4’or di atardi. Tin full un team cu ta atende e pashentnan. Tin full
team pa atende pashentnan diabetico. Tin medisch pedicure, tin podotherapeut, tin

dietista, tin enfermera diabetico. Ta grap e malesa di tur banda, pa por guia e pashentnan

pa biba mas miho y mas saludabel cu su malesa.