Page 4 - AM221219

4 LOCAL AWEMainta
Analisis
Aruba sin spera tin un gobierno di dictadura parlamentario
eunion pa atende cu e cambio di ley pa aumento di BBO na 7% a cuminsa pa 10’or
R di diaranson mainta y el a finalisa pa 1.45 di diahuebs marduga, pues por papia di
un reunion di 15 ora y 45 minuut di duracion, contando tur “pauze” pa come of pa cu-
alkier otro cos cu mester a tuma luga.
Sinembargo e ley a pasa, sin problema cual no tabata un problema ya cu prome cu e
reunion aki a inicia, ya tabata conoci manera tabata e caso cu Gabinete Wever Croes I y
awor ta e caso cu Gabinete Wever Croes II, cu ta den oficina di gobierno na Cocolishi,
ta dicidi kico e 11 miembronan di Parlamento cu ta sostene gobierno tin cu haci.
E ta simpel, loke fraccion y Ministernan di RAIZ ta bon na altura di dje, esta cu nan no
por opone of tuma un otro posicion cu ta contra di loke e partido mas grandi di MEP kier,
ya cu e ora lo no tin gobierno mas.
Pa colmo Minister di Integridad Ursell Arends rond di e reunion riba BBO a duna un
declaracion na prensa cu e caso di ex Minister Plenipotenciario Guilfred Besaril, no ta
motibo pa gobierno bay cas, confirmando cu su partido ta para pa un tipo di integridad
cu no ta integridad.Ora cu analisa e casi 11 ora cu Parlamento a reuni riba e aumento
di BBO na 7%, a papia mas di e caso di Parlamentario Benny Sevinger, a menciona e
nomber di lider di AVP Mike Eman mas cu cualkier Minister actual cu realmente debati
riba e asunto di BBO.
Dialuna, 19 December 2022
Pa un Prome Minister den Parlamento pa atende un
ley cu lo cambia bida di hopi hende den 2023, dicidi
di dedica minuutnan largo na Parlamentario Gerlien
Croes, papiando di entre otro su shimis berde, di
asuntonan cu no tin nada di haber cu e placa cu su
gobierno ta bay ranca for di cartera di pueblo, a bisa
tur cos di e reunion aki.
No a hiba discusion riba futuro di un pueblo cu ya
ta den problema financiero serio pero a trata di saca
bentaha riba partidonan di oposicion, manera un
parlamentario cu ta bin argumenta cu lider di frac-
cion di Accion23, sr Miguel Mansur, tambe ta envolvi
den caso di Avestruz.
Si esey mas ta berdad ta kico e tin di haber cu e gobi-
erno cu e ta sostene, ta bay haci bida di tur ciudadano
riba e isla aki mas caro entrante prome di Januari
2023.
Ta bisto cu tin 11 miembro den Parlamento, cu ta
totalmente indoctrina pa e gobierno na mando, e
gobierno cu nan tin cu controla como sirbidonan di
pueblo pero no ta haci esaki pero ta permiti e gobi-
erno haci loke cu e kier cu e pais aki.
Ningun, cu enfasis riba ningun dialogo a tuma luga
cu gremionan riba e isla, caminda e decision di e
aumento di BBO aki, tabata un medida impone pa un
gobierno incapaz di atende cu e problemanan finan-
ciero cu e pais tin, semper abusando di cartera di
pueblo.
Oranan largo di discusion, miembronan di oposicion
pidiendo claridad, entregando amienda cu cambio
na beneficio di pueblo, a perde nan tempo ya cu e
decision pa aproba e aumento di BBO, ta tuma for di
algun siman caba.
Analisando e reunion den su totalidad, hasta algun cu
e aña aki tambe a tuma luga, por asumi cu pais Aruba
tin un dictadura formal y hopi serio, caminda no CFT
pero gabinete Wever Croes ta determina kico ta wordo
papia, con ta wordo papia, cuanto ta wordo papia y
kendenan tin cu wordo ataca durante di reunion di
Parlamento y na final, ta gobierno ta dicidi con tur 11
miembro cu ta sostene gobierno actual tin cu vota.
Yegada di CFT den pasado a wordo mira como un
atake contra autonomia di Parlamento, caminda hasta
a ataca Hulanda cu e ta trapa e poder di Parlamento
pero e siman aki a keda confirma cu e fraccionnan
cu ta sostene gobierno, no tin bos, no tin autoridad
y mas cu tur cos, no tin capacidad pa actua contra di
un gobierno dictatorial.
Gabinete Wever Croes tin e absoluto poder con
Parlamento ta funciona cu su mayoria di 11!